Embaixadór, Xiao Jianguo, maka entrega diretamente apoiu ne’e ba Vise Prezidente Parlamentu Nasionál, Luis Roberto.Imajen/Hortencio Sanchez.

DILI, 24 juñu 2020 (TATOLI)-Governu Xina liuhosi ninia Embaixadór iha Timor-Leste, Xiao Jianguo, ohin entre tan ekipamentu prevensaun coronavirus hanesan máskara 5.000-resin, hand sanitizer no seluk tan ba Orgaun Soberanu Parlamentu Nasionál.

Embaixadór, Xiao Jianguo, maka entrega diretamente apoiu ne’e ba Vise Prezidente Parlamentu Nasionál, Luis Roberto, iha Embaixada Xina, Ai-Tarak-Laran Dili.

Notísia Relevante :Xina Apoiu Ekipamentu Prevensaun COVID-19 ba Populasaun Manatuto

“Lori Parlamentu Nasionál nia naran hato’o agradese ba Governu Xina ne’ebé sempre fó sira-nia apoiu mai ita, sira la’ós apoiu mak sasán sira ne’e de’it maibé hori uluk kedan Xina sempre apoiu ita iha prosesu saida de’it,” dehan, Luis Roberto, ba Jornalista Sira.

Notísia Relevante :Governu Timor-Leste Simu Doasaun Kombate COVID-19 Husi Governu Xina

Nia hateten Xina hanesan nasaun amigu ida di’ak tebes tanba sempre fó apoiu ba Timor-Leste iha situasaun saida de’it bainhira presiza atu hetan tulun.

Notísia Relevante :Xina Prontu Apoiu TL Kombate Coronavirus

“Xina hanesan nasaun ida ne’ebé amigu di’ak ona ho Timor-Leste no tenke hametin liután kooperasaun,”tenik Deputadu husi Partidu KHUNTO ne’e.

Jornalista : Hortencio Sanchez

Editór       : Agapito dos Santos

HAKEREK NO HATÁN

Please enter your comment!
Please enter your name here