Coronavirus

DILI, 24 marsu 2020 (TATOLI)-Embaixadór Xina iha Timor-Leste, Xiao Jianguo, deklara Governu Xina prontu atu fó apoiu ba Timor-Leste hodi kombate coronavirus ka COVID-19.

“Hanesan ita hotu akompaña iha notísia internasionál sira katak Xina kombate di’ak tebes COVID-19 no iha susesu duni ba problema ida ne’e, entaun ami prontu apoiu nasaun menus dezenvolvidu sira iha mundu inklui  Timor-Leste,” dehan, Embaixadór Xiao Jinguo hodi responde pergunta hosi Jornalista Agência TATOLI, iha Edifísiu MNEK, Praia dos Coqeiros, sesta (20/03/2020).

Notísia Relevante :Governu Husu Tan Tulun Hosi Xina ba Prevene COVID-19

Governu Xina sempre hola ninia posizaun atu apoiu TL intermus prevensaun ba COVID-19. Tanba dadaun ne’e, Embaixada simu ona pedidu hosi Ministériu Saúde atu fó tan apoiu ekipamentu.

“Ami informa ona ba governu (Xina) hodi haree hela ekipamentu doasaun nian prepara hela atu governu Timor-Leste bele sosa, pedidu primeiru ami ajuda ona vintiladores tau ona iha sentru saúde sira,”katak Nia.

Notísia Relevante :Xina Entrega Ekipamentu Prevensaun Coronavirus ba TL

Iha parte seluk atu kontribui ba prevene COVID-19 iha Timor-Leste, Diplomata Xinéza ne’e dehan apela ba sira-nia sidadaun atu limita movimentu iha Territóriu TL.

Notísia Relevante :Prevene COVID-19, Xanana Kontaktu Governu Xina Ajuda Ekipamentu ho Médiku

Jornalista : Hortencio Sanchez

Editór       : Agapito dos Santos

HAKEREK NO HATÁN

Please enter your comment!
Please enter your name here