Labarik ho sira nia aktividades loro-loron.Imajen/Antonio Goncalves

DILI, 24 juñu 2020 (TATOLI)-Xefe Unidade Pediátria Hospitál Nasionál Guido Valadares (HNGV-sigla portugés), Breaviado dos Santos, informa husi fulan-janeiru to’o meadu juñu ne’e, rejista kazu má nutrisaun ba labarik kiik hamutuk 133 no na’in neen maka mate.

”Labarik sira ne’ebé mak má nutrisaun husi idade tinan lima mai kraik ne’e balun mai ho moras diarea entaun komesa pezu tun ona no mós labarik balun mai akompañia tan ho moras seluk entaun ita labele salva sira-nia vida,”dehan, Breviado dos santos, ba TATOLI, iha HNGV Dili, ohin.

Notísia Relevante :Iha HNGV, Labarik Má Nutrisaun Na’in 10 Baixa Iha Sala Pediatria

Husi númeru ne’e, kazu 100-resin maka konsege rekupera no fila ona ba uma, maibé restu sei kontinua halo tratamentu rutina.

Notísia Relevante :Hahán La Variativu Bele Hamosu Má Nutrisaun

”Banhira ita ko’alia kona-ba má nutrisaun ita mós hahú husi formasaun hanesan husi fulan tolu labarik iha inan nia kabun laran mak inan konsume ai-han ne’ebé mak iha vitamina no halo tratamentu ho di’ak bainhira partu labarik ne’e nia kondisaun di’ak no saudavel tebes,” nia hatutan.

Notísia Relevante :Iha Janeiru, SS Vera Cruz Deteta Labarik Má Nutrisaun Na’in Haat

Durante ne’e Unidade Pediátria  halo tratamentu ba pasiente sira liuhosi fo ai-moruk, ai-han no  susuben F75 no F100 atu labarik sira nia saúde bele rekupera.

Jornalista : Felicidade Ximenes

Editór       : Agapito dos Santos

HAKEREK NO HATÁN

Please enter your comment!
Please enter your name here