Doutór Andre Belo entrevista ho jornalista Ajénsia TATOLI. Foto TATOLI: Felicidade Ximenes

DILI, 07 novembru 2019 (TATOLI)-Diretór Organizasaun Naun-Governamentál SABEH (Saúde Ba Ema Hotu), André Belo esplika, hahán ne´ebé ladun di´ak no mós la variativu bele  hamosu kazu má nutrisaun.

Notísia relevante:Haforsa Setór Agrikultura Responde Ba Inseguransa Aihan no Má Nutrisaun

“Hahán mak ida los de´it, la troka, entaun ikus mai afeita ba má nutrisaun husi labarik tanba ne’e mak fatór ida ne’ebé halo labarik sira-nia pesu tun ka sira-nia isin ne’e la hanesan sira-nia idade,” hateten Diretór SABEH, André Belo, ba Ajénsia TATOLI, iha nia kna´ar fatin, Manleu Dili, kinta (07/11/2019).

“Maibé iha área rurál ne’e ha’u bele dehan katak labarik hotu-hotu ne’e, 75% too 80 % hetan má nutrisaun no ami konsulta labarik ki´ik husi tinan rua too tinan 10 ami identifika 70%,” hatutan tan médiku timoroan ne´e.

Notísia relevante:TL ho UE Asina Akordu Kona-ba Mal Nutrisaun ho Asistensía Tekníka

Nia akresenta, hateten iha munisípiu hotu-hotu ne’ebé SABEH deteta labarik barak husi tinan hitu to´o tinan ualu mai kraik mak afeita ba má nutrisaun.“Labarik tinan-rua ba leten mós afeta ba kazu má nutrisaun no mós hanesan labarik moris mai tinan ida, tinan rua isin di’ak hela, tinan rua ba leten sira isin komesa tun”.

Notísia relevante:SABEH Preokupa Ba Doutór “Herbal” Ne’ebé Tama-Sai Uma

Jornalista : Felicidade Ximenes

Editór       : Rafy Belo

HAKEREK NO HATÁN

Please enter your comment!
Please enter your name here