Labarik nain hat hili hela kalen no agua uzadu ne'ebe komunidade sira soe iha baleta area praia dos koqueiros dili.Imajen/Antonio Goncalves

DILI, 31 janeiru 2020 (TATOLI)-Koordenadór Nutrisaun, Sentru Saúde (SS) Vera Cruz, António da Cruz informa, iha janeiru ne’e, sira detekta labarik na’in haat afetadu má nutrisaun grave no halo internamentu iha sentru refere.

“Entaun ida ne’e ami koko apoiu sira liuhusi tetu labarik nia todan no sukat labarik sira-nia liman kabun entaun labarik sira ne’e tama iha má nutrisaun grave  ninian. Maibé sira mai ne’e mesak moras diaria entaun ita halo tratamentu ba sira depois ita kontinua fó apoiu ai-han ba sira,” Koordenadór António da Cruz ba jornalista sira, ohin.

“Ami apoiu ai-han ne’ebé mak hanesan F75 no F100 entaun F75 ne’e fó bainhira labarik hahú tama mai ho kondisaun fízika ne’ebé mak grave,” nia hatutan.

Notísia relevante:Haforsa Setór Agrikultura Responde Ba Inseguransa Aihan no Má Nutrisaun

Koordenadór António da Cruz esplika, grupu ne’ebé mak risku ba má nutrisaun mak liu liu labarik husi zero to tinan lima depois inan isin rua inan fó susu mós risku ba má nutrisaun.

Inan isin rua, inan fó susu ne’ebé detekta liuhusi sukat liman kabun mak menus husi 23 entaun sempre fó apoiu mak superseriál hanesan ai-han ne’ebé mak fó tratamentu ba inan sira ne’ebé mak má nutrisaun.

Ho ida ne’e ita mós koko atu fó informasaun no oinsá atu prepara ai-han ne’ebé mak iha kualidade no kuantidade bazeia ba ida idak nia nesesidade nutrisaun ninian.

“Entaun fulan-fulan sira tenke mai simu ai-han superseriál ne’e loron ida konsumu 200 grama durante loron 30 entaun simu kilo tolu kada ema ida no ba inan ida ne’ebé mak hetan má nutrisaun

Depois fulan fulan sira tenke mai partisipa iha monitór sira sukat liman kabun mk la simu ona ne’e signifika nia normál ona”.

Nia reforsa, aleinde ida ne’e mós ami kontinua ba programa siska nian ita hala’o atividade tetu todan depois ita mós rekolla dadus husi labarik sira-nia todan no mós livru rejistu ita mós halo promosaun nutrisaun iha nivel komunidade nian.

Ezemplu hanesan komunidade ne’ebé mak hela iha suku  depois ita halo SISCA (Serviço Integrado Saúde Comunitária) atividade ne’e husi doutór parteira sira halo imunizasaun tetu labarik sira-nia todan depois mak ita koko halo promosaun no nutrisaun ba sira.

Notísia relevante:Hahán La Variativu Bele Hamosu Má Nutrisaun

Jornalista     : Felicidade Ximenes

Editór            : Rafy Belo

HAKEREK NO HATÁN

Please enter your comment!
Please enter your name here