Joven ida ne'ebé mate fatin tanba deskunfia haksoit husi andár leten UNPAZ nian iha akontesimentu trajédia UNPAZ, domingu madrugada (21/06/2020). Imajen/Foti husi Facebook

DILI, 22 juñu 2020 (TATOLI)- Magnífiku Reitór Universidade da Paz (UNPAZ), Adolmando Amaral, hateten  halo ona kontaktu ho família matebian Hendrique Maia Soares, ne’ebé mate iha areadór universidade nian hodi rezolve.

Matebian Hendrique Maia Soares, oan dahuluk husi Domingas Soares no Domingos Maia, mate tanba monu husi andar UNPAZ iha domingu madrugada pruvolta tuku 02:00 Otl.

“Ha’u ho família vitima sei iha relasaun família tanba maihusi Munisípu Ermera suku ida de’it ne’ebé ha’u tenta nafatin halo komunikasaun,”informa Adolmando ba TATOLI, via telefone domingu horiseik.

 Notísia Relevante :Konfrontu UNPAZ, Família Matebian Hendrique Husu Prosesa Tuir Lei

Maski parte rua halo ona kontaktu ba malu, maibé seidauk iha konkordansia ida tanba sei hein hela rejultadu autopsia husi Ospitál Nasionál Guido Valadares (HNGV-sigla portugés) para hatene loloos motivu husi matebian ninia mate.

“Prosesu tenki la’o nafatin hodi bele hatene loloos tanba saida mak halo nia mate,”tenik tan.

 Notísia Relevante :Kazu UNPAZ, Estudante Na’in Haat Baixa iha HNGV

Reitór ne’e esplika tan estudante estajiáriu sira  ne’ebé sai sasin ba akontesementu ne’e mós submete ona ba prosesu investigasaun ne’ebé halo husi Polisia Nasionál Timor-Leste Munisípiu Dili nian.

Entretantu, Matebian nia-aman Domingos  nu’udar membru Polísia Unidade Batallaun Orden Públiku (BOP) husi Munisípiu Ermera durante ne’e hela  iha Aldeia Evaka, Postu Administrativu Don Aleixo, Munisípiu Dili.

Jornalista : Tomé Amado

Editór       : Agapito dos Santos

HAKEREK NO HATÁN

Please enter your comment!
Please enter your name here