Ministra Edukasaun, Juventude no Desportu, Dulce de Jesus Soares, ko'alia ho Vise-Ministru Edukasaun, Juventude no Desportu, João Zacarias Freitas Soares, iha sala enkontru Konsellu Ministru, kuarta, (21/9). Imajen António Goncalves

DILI, 27 maiu 2020 (TATOLI)-Ministra Edukasaun Juventude no Desportu (MEJD), Dulce de Jesus Soares, oras ne’e delega ona kompetensia servisu ba Vise Ministru Edukasaun Juventude no Desportu, João Zacarias Freitas Soares, hodi lidera provizóriu instituisaun ne’e to’o nomeasaun foun.

Ministra Edukasaun Juventude no Desportu, Dulce de Jesus hatama ona karta rejignasaun ba Primeiru-Ministru, Taur Matan Ruak, iha segunda (25/05/2020).

Notísia Relevante :Membru Governu CNRT Na’in-Lima Hasoru PM Taur, Arsénio: “Desizaun Partidu Tenke Kumpre”

Governante ne’e tenki husik ninia kargu nu’udar Ministra Edukasaun Juventude no Desportu tanba kumpre desizaun partidu CNRT nian maka tenki retira husi estrutura Governu daualu ne’ebé lidera husi Primeiru-Ministru, Taur Matan Ruak.

Notísia Relevante :Dionísio Babo Rezigna An, Sara Lobo Mantein Servisu ho Governu Daualuk

“Ha’u ohin mai partisipa enkontru Konsellu Ministru ne’e ba dahuluk tanba hetan delegasaun kompetensia husi Ministra, maibé atu formal ne’e seidauk,” dehan Governante ne’e ba Jornalista Sira iha Palasiu Governu, kuarta (27/05/2020).

Hatan kona-ba ninia posizaun iha posibilidade sei akontese mudansa, Ministru husi Partidu KHUNTO ne’e afirma preparadu atu simu kualker desizaun ne’ebé maka sei foti husi Xefe Governu.

Notísia Relevante :Nelio Isaac Despede Funsionáriu SEJD

Entertantu, baseia ba informasaun ne’ebé maka TATOLI asesu husi funsionáriu MEJD informa katak daudauk ne’e, Ministra Dulce de Jesus Soares la tama ona servisu.

Jornalista : Tomé Amado

Editór       : Agapito dos Santos

HAKEREK NO HATÁN

Please enter your comment!
Please enter your name here