Ministru Ensinu Superiór, Siénsia no Kultura, Longuinhos dos Santos. Imajen/Egas Cristovão

DILI, 13 maiu 2020 (TATOLI)-Governu liuhosi Ministériu Ensinu Superiór Siénsia no Kultura (MESSK) planea sei oferese kreditu ba Instituisaun Ensinu Superiór Privadu Timor-Leste (IESP-TL) iha futuru.

Ministru Longuinhos dos Santos, informa rezultadu aprosimasaun ne’ebé nia parte halo ho Banku Sentrál katak prontu hodi oferese kreditu ba universidade privada sira ne’ebé maka hamahan an iha IESP-TL, maibé la’ós atu fó iha tempu agora.

Notísia Relevante :Universidade Privada Husu Subsídiu ba Governu

“Ha’u halo ona komunikasaun ho Banku Sentrál kona imprestimu maibé ida ne’e sai nu’udar polítika ida husi Ministériu Ensinu Superiór Siénsia no Kultura nian ne’ebé sei akontese iha futuru,” katak Governante ba TATOLI, iha edifísiu Ministériu Finansa, foinlalais.

Notísia Relevante :Governu Diskute Ona Proposta KIESP-TL

Tuir Ministru ne’e katak ho forñesementu kreditu ne’e sei tulun universidade sira hodi garante kualidade akadémika iha futuru.

Notísia Relevante :Governu Kansela Kreditu ba Dosente Sira

“Hahú agora Ministériu orienta ona jurídiku sira atu elabora dekretu lei ida kona-ba fundu imprestimu nian atu loke dalan ba IESP bele  atribui ba prosesu imprestimu iha future,”nia subliña tan.

Jornalista : Tomé Amado

Editór       : Agapito dos Santos

HAKEREK NO HATÁN

Please enter your comment!
Please enter your name here