Prezidente Board KIESP-TL, Augosto da C. Soares. Imajen/TATOLI

DILI, 13 abríl 2020 (TATOLI)-Universidade Privada hamutuk 10 ne’ebé daudaun ne’e hamahan an iha Klibur Instituisaun Superiór Privadu Timor-Leste (KIESP-TL) husu ba Governu atu oferese subsídiu hodi selu dosente sira durante implementasaun estadu emerjénsia tanba laiha orsamentu.

Ensinu Superiór 10 ne’e maka Institute Of Bussines (IOB), DIT, IPDC, Institutu Superiór Cristál, Universidade da Paz (UNPAZ), Universidade Dili (UNDIL), Universidade Orientál Timor-Lorosa’e (UNITAL),ETCI no ICFP.

Prezidente Board KIESP-TL, Augosto da C. Soares, hateten sira iha ona proposta hodi husu ba governu hodi oferese subsídiu ba selu dosente sira durante fulan lima ho montante $ 2, 473,744.50 no kada fulan sei gasta $ 494,748.90 atu distribui ba kada universidade idak-idak baseia ba sira-nia proposta.

Pedidu ne’e atu oinsá bele responde saláriu dosente sira tanba hanorin ona estudante sira uza sistema online durante estadu emerjénsia.

“Estudante sira agora daudaun barak mak simu ona matéria online husi kada Institutu Ensinu Superiór ida-idak nian, maibé balun iha área rurál maka seidauk asesu ba  liña internet tanba ne’e governu iha ona planu atu apoiu internet gratuita ba estudante sira,”dehan atuál Reitór IOB ne’e ba TATOLI, iha ninia servisu fatin, Praia dos Coqeiros Dili, segunda (13/04/2020).

Maibé nia adianta katak bainhira governu la aseita ho pedidu subsídiu ne’e maka husu ba Ministériu Ensinu Superiór Siénsia no Kultura (MESSK) atu fasilita sira liuhosi dalan fó kreditu.

“Se Governu mak iha duni konfiansa ba KIESP-TL 10 ne’e, ami promote hodi selu fila-fali hahú kedan wainhira estadu emerjénsia ne’e tama fali ba estadu normál tuir prestasaun no tempu ne’ebé deside liuhusi nota intedementu,”tenik Augosto.

Jornalista : Tomé Amado

Editór       : Agapito dos Santos 

3 KOMENTÁRIU

  1. Universidade husu subsidiu ba goveno ho razaun atu selu Docente sira tamba docente sira selama ne hanorin online, maibe realidade skola online laiha no ami estudante la hatene skola online ida, husu subsidiu ne par atu halo tana saida sedankan estudanate sira la asesu ba eskola online

  2. Tuir lolos buat administrasaun nee antes atu halo Sistema Ida presiza iha Diskusaun uluk no iha parte seluk katak Ida nee loss dunik tanba Labarik Barak mak agora dadauknnee abandona Sira Nia estudu iha hahu Estado Emergensia, maibe Oinsa Mak ba Oin ita bele oferese ona sala online ba sira neebe mak serbisu ,tanba parte online nee maka pasu important atu ba oin sira neebe klase Online komesa haburas dik Liu tan iha Teritorio.
    Ida nee la afeita deit bainhira iha estado Emerzensia mak ita foin Book an atu estabelese Klase online maibe tempu bai-bain mos it’s bele hanorin Estudiantes Universitario htu atu hatene utiliza Online diak Liu iha Mundu Abansa teknologi nee…tanba Durante iha Universidade seluk ladun buka mekanismu atu kualifika Labarik Mahasiswa Sira ba Online system’ maybe Derepenti deit komesa lais hodi aplika progam online nunee Estudiantes Trauma no ladun atende diak

  3. Labele ho razaun Estudante aprende barak ona husi Online, Tamba Ita hre d8 ba Rede nebe Mak provaider 3 iha n iha velosidade nb minimu Liu ba studante Sira satan maximu husi Estudante Mak hela h area rural. obrgd.

HAKEREK NO HATÁN

Please enter your comment!
Please enter your name here