Vise-Ministru Dezenvolvimentu Estratéjiku Saúde, Bonifácio Maucoli dos Reis. Imajen: Felicidade Ximenes

DILI, 07 maiu 2020 (TATOLI)-Ministériu Saúde ho Ministériu Turizmu Komérsiu Indústria (MKIA), kinta ohin konkorda ona atu halo pagamentu ba kompañia forñese hahán no Otél sira ne’ebé maka fó aluga ba Governu hodi sai fatin kuarentena obrigatóriu ba sidadaun hodi hela durante loron 14.

Parte rua hetan konkordansia ne’e liuhosi sorumutu ne’ebé halo hosi Ministru Saúde En Ezersísiu, Bonifácio Maucoli dos Reis ho Ministru Estadu Koordenadór ba Asuntu Ekonómiku (MKAE), Fidélis Manuel Leite Magalhães, iha Palasiu Governu Dili, kinta ohin.

Notísia Relevante :Kompañia Fornesedór Ai-han Seidauk iha Kontratu

”Ohin ami enkontru iha ona konkordansia ona iha dahuluk ne’e asina hamutuk hodi halo pagamentu no mós selebra kotraktu ba sira ne’ebé mak sei pendente hela,” informa Vise Ministru Saúde ne’e ba jornalista sira, iha Palasiu Governu.

Nia dehan,  antes ne’e, servisu hotu-hotu ne’ebé ligadu ho COVID-19 konsentra iha Ministériu Saúde, maibé oras ne’e iha ona mudansa hodi transfere servisu ne’e ba iha MTKI tanba deside hosi Konsellu Ministru.

Notísia Relevante :MS Sei Entrega Kontratu Otél Sira ba MTKI

Projetu 49 maka parte rua sei asina hamutuk hodi aselera prosesu pagamentu iha tempu badak.

Projetu hirak ne’e kompostu hosi aluga otél sira, kompañia konstrusaun Kuarentena, Kompañia forñese hahán, no seluk tan.

“Faze tuirmai mak ba sira ne’ebé mak sei hein levantamentu ba iha kuarentena, izolamentu ne’e, aban mós sei diskute alterasaun lei ruma para fó kompoténsia ba ministériu rua ne’e para idaidak asina kontratu ba faze tuir mai,” tenik Governante.

Notísia Relevante :Kuarentena Obrigatóriu iha Dili Laran Hamutuk 17 Akumula Ema Na’in-460

Governu sei uza osan fundu COVID-19 pruvolta millaun $ 150 hodi halo pagamentu ba kompañia hirak ne’e.

Jornalista : Felicidade Ximenes

Editór       : Agapito dos Santos

HAKEREK NO HATÁN

Please enter your comment!
Please enter your name here