Ministru Negósiu Estrajeiru no Kooperasaun, Deonísio da Costa Babo Soares. Imajen Tatoli/António Gonçalves

DILI, 04 maiu 2020 (TATOLI)-Ministru Negósiu Estranjeiru no Kooperasaun (MNEK), Dionísio Babo Soares, informa estudante Timoroan iha rai-liur ne’ebé tama iha kategória la’ós bolseiru hamutuk ema rihun rua maka sei hetan subsídiu hosi Governu iha tempu besik.

“Estudante ne’ebé ita rejista naun bolseiru hamutuk rihun rua, sira ne’e mak sei hetan subsídiu,” reforsa Eis Ministru Administrasaun Estatál ne’e ba Jornalista sira iha Edifísiu Ministériu Finansa, Ai-Tarak-Laran Dili, ohin.

Notísia Relevante :Governu Aprova Millaun $ 2 Hodi fó Subsidiu ba Estudante

Estudante benefisiáriu ba programa governu ne’e, tuir Babo daudaun ne’e estuda iha nasaun Áfrika, Ázia, Filipina, Indonézia, Austrália, Europeia no seluk tan.

Notísia Relevante :Subsídiu Ba Estudante Naun Bolseiru Iha Rai-Li’ur Depende ba Kustu Vida Kada Nasaun

“Estudante sira ne’e iha nasaun oioin de’it, Austrália, Áfrika Europeia, Ázia ne’e, kustu atu selu ne’e mak tuir nesesidade nasaun idaidak nian maibé nia montante depois aprova iha Konsellu Ministru mak fó sai ba públiku,” tenik Dionísio.

Governante ne’e relata total estudante Timoroan konta ho bolseiru sira hamutuk ema rihun 10-resin maka estuda iha rai-li’ur.

Notísia Relevante :Subsídiu ba Estudante Iha Estranjeiru Aplika de’it ba Naun Bolseiru

Proposta kona-ba apoiu ne’e governu haruka ona ba assesór legál iha Konsellu Ministru hodi haree no aprova.

“Montante osan ne’ebé ita prepara ne’e millaun rua atu fó ba estudante sira ne’e iha tempu besik bainhira aprova,” katak Babo.

Jornalista : Hortencio Sanchez

Editór       : Agapito dos Santos

HAKEREK NO HATÁN

Please enter your comment!
Please enter your name here