Ministru Ensinu Superiór, Siénsia no Kultura, Longuinhos dos Santos. Imajen/Egas Cristovão

DILI, 29 abríl 2020 (TATOLI)-Governu liuhosi reuniaun Konsellu Ministru, kuarta ohin ne’e aprova ona orsamentu millaun $ 2 ba hodi fó subsidiu ba estudante Timoroan la’ós bolseiru iha rai-li’ur relasiona ho implementasaun estadu emerjénsia ba prevensaun pandemia COVID-19.

Ministériu Ensinu Superiór Siénsia no Kultura (MESSK), Longuinhos dos Santos ba jornalista sira iha Ai-Tarak-Laran, hateten Governu sei hahú halo prosesu pagamentu ba estudante Timoroan sira ne’e iha tempu badak.

Notísia Relevante :Governu Sei Atribui Subsídiu ba Estudante Timor-oan iha Estranjeiru

“Ita sei halo pagamentu tuir faze, normalmente dadus ba faze dahuluk nian kompleta ona purvolta estudante  non bolseiro Timor-oan hamutuk 2014 mak sei hetan uluk pagamentu subsidiu iha fulan ne’e,” dehan Governante hafoin reuniaun Konsellu Ministru, iha Edifísiu Ministériu Finansa.

Pagamentu faze daruak nian sei tuirmai hafoin faze dahuluk nian ramata.

“Ita sei iha faze daruak ba sira ne’e, ne’e duni Governu kontinua hein estudante sira ne’ebé seidauk kompleta dokumentu atu lalais hodi nune’e bele hetan pagamentu iha ba faze daruak nian,” hatutan, MESSK, Longuinhos dos Santos.

Nia tenik tan katak montante subsidiu sei la hanesan tanba sei defende ba kustu moris iha nasaun sira iha rai-li’ur.

“Prosesu pagamentu subsidiu ba estudante sira ne’e sei la halo direita, maibé sei liuhusi konta bankaria estudante ida-idak nian,”haktuir tan.

Jornalista : Tomé Amado

Editór       : Agapito dos Santos

1 KOMENTÁRIU

  1. Oinsa ho estudante nbe mak iha Timor? Maioria povu aileba nia oan mk skla iha rai laran, ema nbe skla iha rai liur osan iha imi fo tan, mbe hirak nbe iha rai laran ne imi atu trata oinsa?

HAKEREK NO HATÁN

Please enter your comment!
Please enter your name here