Reprezentante OMS iha Timor-Leste, Rajesh Pandav. Imajen mídia PN

DILI, 25 fevereiru 2020 (TATOLI)-Organizasaun Mundiál Saúde (OMS), tersa (25/02/2020) fó ona apoiu ekipamentu prevensaun coronavirus ba Ministériu Saúde.

“Ekipamentus hirak ne’e ita entrega iha loron ida ne’e mak hanesan luvas, oklu, roupa protesaun, masker ho nia medidas oioin hanesan masker ba respiratóriu ninian no masker ba sirurjía ninian,” informa Reprezentante OMS iha Timor-Leste, Rajesh Pandav  iha ninia deskursu durante entrega ekipamentu ne’e ba Ministériu Saúde  iha Salaun SAMES Kampung-Alor, Dili.

Notísia Relevante :Prevene Virus Corona, Timoroan Hotu Tenke Kumpre Giaun OMS

Nia rekoñese dadaun ne’e SAMES iha ona ekipamentu balun  maibé ho apoiu OMS nian ohin sei reforsa liután preparasaun Ministériu Saúde ba prevensaun coronavirus iha Timor-Leste.

“Hodi aumenta estok balun no OMS kontinua apoiu Ministériu Saúde para oinsá atu kontinua uza ekipamentus sira ne’e nomós ita halo ona treinamentu ba pesoál saúde sira oinsá atu utiliza ekipamentus hirak ne’e,” tenik tan.

Notísia Relevante :OMS: Iha Posibilidade Atu Interrompe Virus Nia Espalla

Ekipamentu hirak ne’e sei uza hosi pesoál saúde sira iha ospitál nasionál, iha Portu, Aeroportu no Fronteira Terrestre hodi halo pasa revista ba sidadaun rai-liur no rai-laran ne’ebé tama no sai Portu, Aeroportu no Fronteira Terrestre.

Iha fatin hanesan Vise Ministru Estratéjiku Dezenvolvimentu Saúde, Bonifacio Maucoli dos Reis informa ho apoiu ekipamentu hirak ne’e sei ajuda MS atu halo tratamentu ba pasiente coronavirus bainhira deteta iha rai-laran.

Notísia Relevante :OMS ho Governu Deskute Planu Prevensaun Coronavirus

“Sasan sira ne’e mak ita disponivel ba iha portu entrada sira liliu iha parte terrestre nian hanesan Batugade, Aeroportu, nomós Portu Dili,”dehan, Governante ne’e.

Vise Ministru ne’e hatutan, alende hetan apoiu hosi OMS, Austrália no Japaun mós sei fó tan apoiu ekipamentu hanesan ba MS hodi prevene coronavirus.

Notísia Relevante :OMS Sei Apoiu Makina Thermoscan Neen Ba MS

Mezmu TL seidauk afeita ba coronavirus maibé persiza halo preparasaun hodi halo prevensaun.

Jornalista : Felicidade Ximenes

Editór        : Agapito dos Santos

HAKEREK NO HATÁN

Please enter your comment!
Please enter your name here