Vise-Ministru ba Dezenvolvimentu Estratéjiku Saúde Bonifácio Maukoli dos Reis.Imajen Tatoli/Antonio Goncalves

DILI, 29 janeiru 2020 (TATOLI)-Vise-Ministru Estratéjiku Dezenvolvimentu Saúde,  Bonifacio Maucoli dos Reis hateten, ita-nia makina thermoscan agora daudaun avaria hela no Organizasaun  Mundiál Saúde (OMS) sei apoiu tan makina neen iha tempu badak nia laran.

Makina thermoscan ne’ebé mak apoiu husi OMS hamutuk ne’en no loron rua tan hanesan ne’e too ona Timór.

Ekipamentu ita koordena ho OMS para sosa ekipamentu liuliu  ba makina thermoscan no personál profisaun ekipamentu atu nune’e bele proteje mós li liu ba profisionál saúde sira para halo atendimentu ba ita-nia pasiente sira ne’ebé karik afeta.

“Ha’u mai  iha ne’e atu haree fatin izolamentu HNGV nian no fatin ne’e mós preparadu ona tanba ne’e mak dalaruma ita detekta kazu ruma karik fatin ne’e prontu ona,” Vise-Ministru Estratéjiku Dezenvolvimentu Saúde,  Bonifacio Maucoli dos Reis ba jornalista sira iha HNGV, ohin.

Governante ne’e dehan, ita -nia  sala izolamentu prontu ona, karik akontese duni virus corona iha ita-nia rain bele halo tratamentu iha HNGV. “Ekipakementu HNGV preparadu ona ba corona virus  maibé seidauk akontese ba ema ida no fatin izolamentu ida ne’e mós disponivel ona”.

Espesialista sira iha HNGV  mós, tuir nia, prontu hela no sira mós sei tuir treinamentu iha sesta semana ne’e  no ita mos sei halo asimulasaun no oinsá ita bele simu no transporta pasiente ne’ebé sofre.

Maibé Ministériu Saúde nia ekipa estabelesidu ona ezemplu uluk  hanesan kazu SARS. Ida ne’e ita-nia ekipa formadu ona agora daudaun mosu tan moras virus corona ne’e Ministériu Saúde prontu ona para oinsá atu responde ba situasaun ida ne’e.

Iha fronteira ne’ebá ita-nia pesoál saúde koloka ona dezde semana rua liu ba  tanba iha ne’ebá mós sala izolamentu la iha no  akontese karik sei mai iha HNGV.

Fatin mós ita sei buka tan fatin seluk la’ós HNGV deit maibé  hanesan iha formoza para simu mós pasiente ne’ebé mak sofre ba virus ne’e.

Agora daudaun ne’e ita la’o ho termu fokus deit para bele kontrola ema nia termometer  sira maibé ita mos kordena ho OMS hodi sosa tan makina thermoscan no tempu badak to’o ona.

“Maibé makina thermoscan ne’e ita hateten loloos katak makina ne’e la’ós atu detekta maibé atu hatene loloos deit ita-nia sintoma husi pasiente ne’e maibé atu detekta só laboratoriu. Ita-nia laboratoriu mós prepara mas la halo iha ne’e maibé lori ba Austrália hodi konfirma ninia rasidade kona-ba kazu,” Vise-Ministru Estratéjiku Dezenvolvimentu Saúde haklaken.

Tuir observasaun TATOLI nia nota katak sala izolamentu ne’ebé mak iha HNGV preparadu ona maibé kama hirak ne’e  hamutuk sia no  kama rezerva iha tolu. 

Jornalista    : Felicidade Ximenes

Editór          : Rafy Belo

HAKEREK NO HATÁN

Please enter your comment!
Please enter your name here