Prezidente INFORDEPE, Victor Brito

DILI, 18 fevereiru 2020 (TATOLI)–Profesór  Pre-Eskolár to’o Ensinu Sekundáriu hamutuk  rihun rua iha territóriu Timor-Leste tuir planu iha tinan 2020 sei ramata formasaun akadémiku no kontinuasaun  ba nivél baxarelatu

Formasaun ne’e oferese hosi Institutu Nasionál Formasaun Dosente Profisionál Edukasaun (INFORDEPE) no hetan kooperasaun ho Universidade Nasionál Timor Lorosa’e (UNTL) hodi implementa ona  iha tinan 2018 no sei ramata iha tinan ne’e.

Notísia Relevante :INFORDEPE Oferese Formasaun Língua Portugeza Nivel A1 Ba Profesór Sira

Prezidente INFORDEPE, Victór Brito, informa formasaun ne’e ho nia objetivu atu hasa’e abilidade profesór sira-nian liuliu iha koñesimentu kontiúdu, língua, métodu no étika Profesór.

Notísia Relevante :INFORDEPE Baucau Realiza Formasaun Akadémika Ba Profesór Sira

“Formasaun ne’e ita realiza ba profesór rihun rua-resin ne’e tanba iha lei báziku edukasaun nian ejize ema ne’ebé hanorin tantu husi Pre-Eskolár to’o Ensiñu Sekundáriu mínimu tenke baxarelatu,” Victór Brito ba TATOLI, iha ninia servisu fatin, INFORDEPE,  Balide, tersa (18/02/2020).

Notísia Relevante :INFORDEPE Prontu Transforma Abilidade Profesór Sira Iha TL

Entretantu, tuir dadus ne’ebé relata hosi INFORDEPE  katak to’o ohin, Ministériu Edukasaun Juventude no Desportu (MEJD) rekruta ona profesór hosi Pre-Eskolár to’o Ensiñu Sekundáriu hamutuk 15.000. Hosi númeru ne’e, profesór  rihun 10-resin kategoria permanente no rihun  haat-resin kontratadu.

Jornalista : Tomé Amado

Editór      : Agapito dos Santos

1 KOMENTÁRIU

HAKEREK NO HATÁN

Please enter your comment!
Please enter your name here