idózus ho invalidu sira simu subsidiu iha Banku Nasionál Komersiu Timor Leste (BNCTL-sigla portugés), Imajen/Antonio Goncalves

DILI, 03 fevereiru 2020 (TATOLI)-Ministériu Solidaridade Sosiál no Inkluzaun (MSSI) iha tinan 2019 liubá hasai ona naran idozu no inválidu sira ne’ebé sai ona benefisiáriu ba subsidiu governu hamutuk ema na’in 768 hosi sistema pagamentu faze daruak nian.

Prezidente Konsellu Administrasaun Institutu Nasionál Seguransa Sosiál,  Longuinhos Armando, informa, MSSI servisu hamutuk ho Banku Nasionál Komérsiu Timor-Leste (BNCTL-sigla portugés), hamos ona lista naran idozu no inválidu hirak ne’e durante pagamentu  faze daruak nian hosi fulan jullu to’o dezembru 2019.

Notísia Relevante : MSSI Konklui Ona Pagamentu ba Idózus ho Invalidés 98.052

Nia esplika durante pagamentu faze dahuluk nian, janeiru to’o juñu 2019 totál benefisiáriu hamutuk  na’in 98.055.

Maibé faze daruak  menus ona  ba ema na’in 96.530, tanba idozu no inválidu  na’in 768 mate ona, no benefisiáriu 1085 naran rejista duni iha sistema MSSI nian maibé la identifika iha lista pagamentu BNCTL.

Notísia Relevante :2020, Númeru Idózus ho Invalidéz Aumenta

Pagamentu faze daruak iha 2019 liubá, MSSI aloka orsamentu hamutuk millaun $ 17 ba benefisiáriu 96.530.

“Prosesesu pagamentu ba idozú no invalidés ita konklui ona iha fulan-janeiru tinan ne’e iha territóriu,”katak Prezidente Konsellu Administrasaun INSS, Longuinhos Armando ba TATOLI iha Caicoli, segunda(03/02/2020) horiseik.

Notísia Relevante : Governu Sei Hadi’a Sistema Atendimentu ba Idozu no Invalidés

Ho númeru benfisiáriu ne’ebé mak menus, MSSI obrigadu tenke haruka fila fali osan millaun $ 1,733-resin ba kofre estadu.

Notísia Relevante :BNCTL Prontu Selu Idozu Sira To’o Uma

“Automatikamente kuandu benefisiáriu sira durante prosesu pagamentu daruak tutuir malu la prezente signifika laiha ona, osan sira ne’e sei fila ba kofre estadu,”tenik, Longuinhos.

Jornalista : Nelson de Sousa

Editór       : Francisco Simões

HAKEREK NO HATÁN

Please enter your comment!
Please enter your name here