DILI, 23 setembru 2019 (TATOLI)-Iha faze dahuluk husi janeiru-juñu, Ministériu Solidariedade Sosiál no Inkluzaun (MSSI), konklui ona pagamentu ba idózus no invalidéz hamutuk 98.052 ho total orsamentu $17,573,100.00 iha Timor laran tomak.
Notísia Relevante: Idozu no Inválidu 98.055 Simu Ona Subsidíu Husi Governu
Husi total númeru benefisiáriu ne’e, pagamentu ba Idózus sira hamutuk 87.780 no invalidéz 8.272.
Prezidente Instituto Nasionál Seguransa Sosiál (INSS), Longuinhos Armando, klarifika, idózus husi Munisípiu Aileu 3.160, Ainaro (5.116), Baucau (12.548), Bobonaro (9.051), Covalima (6.418), Dili (8.281), Ermera (7.619), Lautem (5.622), Liquiça (6.029), Manatuto (4.355), Manufahi (5.662), Oé-Cusse (7.036) ho Viqueque 8.883.
Notísia Relevante: Idózus Rihun 97 Simu Subsídiu
Invalidéz husi Munisípiu Aileu (142), Ainaro (312), Baucau (2.109), Bobonaro (451),Covalima (173), Dili (1.236), Ermera (1.489), Lautem (244), Liquica (536), Manatuto (321), Manufahi (366), Oé-Cusse (121) ho Viqueque 772.
“Husi númeru idózus, ami hala’o pagamentu iha fulan jullu, konsege remata ona iha loron hirak liu ba no pagamentu ne’e la’o di’ak tebes, tanba Banku fasilita to’o ba iha suku sira,’’ informa Longuinhos Armando ba Ajénsia TATOLI, ohin, iha nia serbisu fatin MSSI, Caicoli, Dili.
Nia esplika, prosesu pagamentu faze daruak ba idózus no invalidéz sei realize iha fulan dezembru 2019, ne’ebé tuir lei kada benefisiáriu simu $30 kada fulan no tinan ida simu $380.
Notísia Relevante: Ferik-Katuas Porsentu 25 Simu Ona Pensaun
Jornalista : Nelson de Sousa
Editór : Francisco Simões
