Presidente Institutu Nasionál Seguransa Sosiál (INSS) Longuinhos Armando. Imajen/Egas Cristovão

DILI,03 fevereiru 2020 (TATOLI)-Tuir Relatóriu annuál hosi Institutu Nasionál Seguransa Sosiál, Ministériu Solidaridade Sosiál no Inkluzaun (MSSI) relata númeru traballadór no funsionáriu Públiku ne’ebé mak dadaun ne’e aplika ba rejime kontributivu seguransa sosiál aumenta rihun rua resin iha tinan 2019.

Presidente Institutu Nasionál Seguransa Sosiál,  Longuinhos Armando, hateten to’o ohin aplikante hamutuk rihun 98-resin maka hatama ona aplikasaun hodi koa sira-nia saláriu hodi kontribui ba rejime kontributivu seguransa sosiál kada fulan.

Notísia Relevante: Kompañia 1.344 Halo Ona Aplikasaun ba Rejime Kontributivu Seguransa Sosiál

“Ínisiu 2019 ita iha kliente ba aplikasaun rejime naun kontribuitivu seguransa sosiál hamutuk rihun 96, hosi ne’e durante tinan tomak janeiru mai to’o dezembru iha aumenta rihun 2-resin,”esplika Prezidente INSS ne’e ba TATOLI iha ninia servisu fatin Caicoli Dili.

Notísia Relevante: Ema Liu Rihun 90 Aplika Ona Rejime Kontributivu Seguransa Sosiál

Nia dehan, hosi totál aplikante hirak ne’e, funsionáriu públiku porsentu 70,  traballadór hosi setór privadu hamutuk porsentu 30 no ema estranjeru porsentu rua.

Notísia Relevante: INSS Planu Prodús Kartaun Identidade Seguransa Sosiál

Osan kontribuisaun hirak ne’e, INSS maka jere iha fundu rezerva no rai iha Banku Sentrál Timor-Leste (BCTL-siglá portugés). Totál fundu kontribuisaun to’o ohin hamutuk millaun $ 66.

Jornalista : Nelson de Sousa

Editór       : Francisco Simões

HAKEREK NO HATÁN

Please enter your comment!
Please enter your name here