DILI, 23 setembru 2019 (TATOLI)-Prezidente Institutu Nasionál Seguransa Sosiál (INSS), Longuinhos Armando, informa, INS iha ona planu atu prodús kartaun identidade seguransa sosiál ba funsionáriu públiku no ajente traballadór instituisaun públiku no privada sira ne’ebé daudaun ne’e kontribui ona ba seguransa sosiál.
Notísia Relevante: Ema Liu Rihun 90 Aplika Ona Rejime Kontributivu Seguransa Sosiál
Produsaun kartaun identidade seguransa sosiál ne’e hodi responde preokupasaun kliente no mós hodi justifika loloos membru sira ne’ebé maka fó ona kontribuisaun durante ne’e.
“Ami hala’o hela estudu atu iha futuru oinsá bele kria kartaun identidade seguransa sosiál ba traballadór sira ne’ebé aplika ba rejime espesiál seguransa sosiál,” informa Longuinhos Armando ba TATOLI, ohin, iha nia serbisu fatin, MSSI, Caicoli, Dili.
Mezmu seidauk iha kartaun identidade, maibé nia garante la prejudika kontribuisaun kliente sira nian iha sistema ne’ebé implementa.
Notísia Relevante: Rejime Kontributivu Obrigatóriu Ba Funsionáriu
Prezidente INSS ne’e esplika, benefísiu husi kartaun identidade ba kliente sira ne’e importante atu fasilita foti osan husi seguransa sosiál bainhira idade atinje 60 ka mate.
Jornalista : Nelson de Sousa
Editór : Francisco Simões
