Inundasaun iha area Tasi Tolu, Dili. Imajen/António Gonçalves

DILI, 23 janeiru 2020 (TATOLI)-Udan boot ne’ebé akontese iha kuarta kalan,  hamosu inundasaun bee tama komunidade ninia uma purvolta sanulu-resin iha Bairru Raihun, Kampung Baru, Aldeia 04 Setembru, Suku Comoro, Postu Administrativu Dom Aleixo, Munisípiu Dili, tanba laiha ezgotu.

Udan boot horikalan komesa tuku 21:00 kalan to’o tuku 05:00 Otl, kinta ne’e, hodi hamosu inundasaun ba komunidade nia uma tanba seidauk iha konstrusaun ezgotu iha fatin ne’ebá para fasilita sirkulasaun bee bainhira akontese udan boot.

Notísia Relevante :Udan Horikalan, Lori Inundasaun ba Uma 60-resin iha Bairru Kuarentena

Komunidade afetadu, João Carmo, preokupa ho konstrusaun ezgotu iha kapitál Dili, tanba ne’e, nia sujere ba Ministériu Obra Públika atu fó atensaun ba kestaun ne’e hodi evita mosu tan inundasaun iha futuru.

Notísia Relevante :SEPS Hala’o Verifikasaun ba Vítima Inundasaun Kuarentena

“Ida ne’e mak klima natureza,pasiénsia simu konsekuénsia,”dehan, vítima ne’e ba TATOLI, iha Kampung-Baru Comoro, ohin.

Iha parte seluk, komunidade, Mario dos Santos, esplika problema inundasaun ne’e akontese bebeik ona bainhira akontese udan boot ho oras barak.

Notísia Relevante :Problema Inundasaun, Deputadu Opozisaun Husu Governu Halo Avaliasaun Ba Projetu Drenajen

“Inundasaun ho volume bee maka’as bainhira udan hosi dader to’o fali lokraik,” nia reforsa tan.

Iha parte seluk, Komunidade iha área Kuarentena, BTN I,III Tasi-Tolu mós sofre inundasaun tanba bee tama sira nia uma.

Jornalista : Nelson de Sousa

Editór : Francisco Simões

HAKEREK NO HATÁN

Please enter your comment!
Please enter your name here