TATOLI,I.P kuda ai-akásia nia-oan iha Edifisiu TATOLI,I.P nia oin, sesta (17/01/2020). Imajen/Joanico de Araújo

DILI, 17 janeiru 2020 (TATOLI) – Funsionáriu administrasaun ho jornalista sira ne’ebé haknaar-án iha Ajénsia Notísia Timor-Leste, TATOLI, Institutu Públiku (I.P), ohin,  hala’o atividade kuda ai-oan iha edifísiu TATOLI nia oin, iha Faról.

Notísia Relevante : TATOLI Halo Ona Balansu Iha Publikasaun

Atividade kuda ai-akásia nia oan ne’e mai ho ninia sentidu, “Ai-Hun Ida, Ida ba Timor-Leste Matak”, nu’udar kontribuisaun simples ne’ebé TATOLI, I.P bele halo ba  mudansa klimátika no prezerva ambiente.

Diretora Ezekutiva TATOLI, I.P, Rita Almeida, hateten nu’udar sidadaun no instituisaun Estadu nian presiza toma atensaun ba situasaun globál hanesan mudansa klimátika tanba mundu agora akontese inundasaun, rai-nakdoko no mós kestaun vulkanu.

“Ita hanesan Timoroan presiza tau iha konsiénsia no mós sai prioridade katak ita mós tenke kontribui ai-oan ida hodi hatán ba kestaun mudansa klimátika,” hateten Rita Almeida.

Notísia Relevante : Livru “TATOLI Nia Ain-Le’ut” Hakerek Ho Estilu Literatura

Ai-oan ne’ebé kuda hetan apoiu husi Diresaun Florestál, Ministériu Agrikultura no Peska (MAP) iha sentru viveiru komunitáriu, Kolmera, Dili.

Ai-oan hamutuk 45 no kuda ona hun 10-resin iha jardín edifísiu TATOLI, I.P nia oin no restu ne’ebé iha sei haree espasu natoon iha área Faról nian hodi bele kuda no kuidadu.

Notísia Relevante : 2019, Vizitante Portál TATOLI Hamutuk Tokon 13

Jornalista : Osória Marques

Editór       : Francisco Simões

HAKEREK NO HATÁN

Please enter your comment!
Please enter your name here