Pesoál Bombeiru hatudu simulasaun iha aniversáriu Bombeiru ba dala-19. Imajen/António Gonçalves

DILI, 14 dezembru 2019 (TATOLI)-Korpu Bombeiru Timor-Leste iha rekursu sufisiente atu atende dezastre ruma ne’ebé akontese tanba udan no anin boot.

Notísia Relevante : SEPS Husu Adisionál Millaun $4 Resin Atu Sosa Karreta Bombeiru

Komandante Nasionál Bombeiru TL, Claúdio da Silva. Imajen/António Gonçalves

Komandante Nasional  Bombeiru Timor-Leste, Cláudio da Silva, hatete, korpu Bombeiru sempre preparadu atu atua situasaun sira ne’ebé akontese tanba udan ho anin boot.

Nia fó ezemplu, iha akontesimentu udan, anin no rai-lakan, foin lalais ne’e, korpu Bombeiru halo intervensaun ho lalais tebes hodi rezolve sasán balun ne’ebé afetadu iha parte Jardín B.J. Habibie nian.

“Buat natureza ne’e ita atu prepara ka la prepara, kuandu nia mai ona ne’e mai ona, tanba natureza baibain ema dehan forsa maiór,” informa Cláudio da Silva ba Ajénsia TATOLI iha nia servisu fatin, sesta (13/12/2019).

Notísia Relevante : SEPS Sei Estabelese Tan Korpu Bombeiru iha Munisípiu Tolu

Nia informa, korpu Bombeiru prontu fó apoiu no atendimentu ne’ebé di’ak no másimu ba komunidade sira ne’ebé afetadu iha dezastre naturaís no inundasaun.

Iha akontesimentu udan, anin no rai-lakan, loron hirak liu-ba, rezulta ai-tohar hodi estraga komunidade nia uma rua, maibé la grave no korpu Bombeiru halo intervensaun ho lalais.

Nia husu ba komunidade sira ne’ebé mak hela besik iha mota ibun no hela iha ai-hun boboot nia okos atu atensaun tanba udan ho anin boot bele prejudika sira nia vida.

Notísia Relevante : Bombeiru Laiha Ekipamentu Pezadu

Jornalista : Osória Marques

Editór       : Francisco Simões

HAKEREK NO HATÁN

Please enter your comment!
Please enter your name here