Pesoál Bombeiru hatudu simulasaun iha aniversáriu Bombeiru ba dala-19. Imajen/António Gonçalves

DILI,10 dezembru 2019 (TATOLI)-Governu liuhosi Sekretáriu Estadu Protesaun Sivíl (SEPS) tuir planu iha tinan 2020 sei estabelese tan Korpu Bombeiru iha Munisípiu Ermera, Manatuto no Liquiça.

Notísia Relevante:Bombeiru Sei Enfrenta Limitasaun Maske Kompleta Ona Tinan 19

Sekretáriu Estadu, Alexandrino Xavier de Araújo,informa estabelesementu diresaun Bombeiru iha munisípiu tolu ne’e hodi  fó atendementu ba populasaun sira  bainhira akontese dezastre naturaís, inséndiu, rai monu no seluk tan.

Tuir Governante ne’e katak, nia parte oras ne’e  halo ona prosesu rekrutamentu ba pesoál Bombeiru foun ne’ebé maka sei destaka iha munisípiu tolu ne’ebá.

“Ita tau prioridade iha 2020,sei estabelese uluk Bombeiru iha munisípiu Ermera ho Manatuto, tanba ne’e la’o faze por faze depois estabelese mós iha Liquiça,”dehan, Sekretáriu Estadu, Alexandrino Xavier de Araújo, ba TATOLI, tersa ohin iha Caicoli.

Diresaun Bombeiru estabelese ona ninia sanak  iha Munisípiu sia inklui Rejiuan Autónomu Espesiál Oe-cúse Ambeno (RAEOA) ho ninia membru hamutuk 316.

Jornalista:Nelson de Sousa

Editór   :Francisco Simões

HAKEREK NO HATÁN

Please enter your comment!
Please enter your name here