iklan

INTERNASIONÁL, HEADLINE

SEAPC-Net Fó Espasu Ida ba Apoia Polítika Estadu TL

SEAPC-Net Fó Espasu Ida ba Apoia Polítika Estadu TL

Ministru Negósiu Estranjeiru (MNE), Dionisio Babo Soares, dada lia ho Prezidente Konsellu Imprensa, Virgilio da Silva Guterres, membru KI Francisco Belo Simões da Costa ho Asesor KI nian, Rigoberto Monteiro, iha ámbitu Bali Demokrasia Forum iha Nusa Dua, Bali, kinta (05/12/2019). Imajen/Mídia CI

BALI, 05 dezembru 2019 (TATOLI)—Ministru Negósiu Estranjeiru (MNE), Dionisio da Costa Babo Soares, apresia no kongratula Konsellu Imprensa Timor-Leste (CI-TL) ba dedikasaun no esforsu hodi ajuda polítika Estadu nian ba projeta Timor-Leste iha rejiaun Sudeste Aziátiku no iha mundu internasionál.

Notísia Relevante : Primeira Asembleia Jerál SEAPC-Net Hili Muhammad NUH ba Prezidente

Kaer liman metin entre fundadór no inisiadór sira SEAPC-Net iha primeira asembleia jerál SEAPC-Net iha Nusa Dua, Bali, kuarta (04/12/2019). Imajen/Mídia CI

Ministru Dionisio Babo hateten, hanesan membru Governu orgullu tebes rona informasaun kona-ba partisipasaun Konsellu Imprensa Timor-Leste nian iha diskusaun no sorumutuk nivel rejionál no internasionál, liuliu hamutuk ho Konsellu Imprensa nasaun sira Sudeste Aziátiku nian estabelese ona Rede Konsellu Imprensa Sudeste Aziátiku (SEAPC-Net, sigla inglés).

“Parabéns ba Konsellu Imprensa Timor-Leste no parabéns ba rede Konsellu Imprensa Sudeste Aziátiku (SEAPC-Net).  Onra ida ba ita Timor-Leste no fó espasu ida ba apoia polítika Estadu nian hodi projeta Timor-Leste nia imajen iha nivel rejionál no internasionál,” hateten Ministru Dionisio Babo, ba Ajénsia TATOLI, ohin, iha ámbitu  Bali Demokrasia Forum (BDF) ne’ebé hala’o iha Sentru Konvensaun Nusa Dua, Bali, Indonézia.

Notísia Relevante : Nasaun Haat Konkorda Estabelese Rede KI Sudeste Aziátiku

Ministru Dionisio mós iha ona informasaun katak, primeira reuniaun diretór board SEAPC-Net sei hala’o iha Dili iha loron 09 to’o loron 10 maiu 2020. “Oportunidade di’ak tebes tanba primeira konferénsia diretór board SEAPC-Net sei halo iha Dil. Ita tenke halo eventu boot sira hanesan ne’e iha ita nia rain atu projeta ita nia rain. Buat ne’ebé ita presiza mak estabilidade, pás no seguransa,”  hateten Dionisio Babo.

Notísia Relevante : Prezidente PN Tailándia Apresia no Apoiu Rede KI Sudeste Aziátiku

Jornalista  : Francisco Simões

Editór        : Xisto Freitas

iklan
iklan

One Comment

Leave a Reply

iklan
error: Content is protected !!