MSSI fasilita prosesu funebre ba bebé ne'ebé Inan soe iha Tasi Tolu no ida seluk sunu iha Semiteriu Santa Crús. Imajen/Nelson de Sousa

DILI, 02 dezembru 2019 (TATOLI)-Ministériu Solidariedade Sosiál no Inkluzaun (MSSI) liuhosi Diresaun Nasionál Asisténsia Sosiál (DNAS) durante fulan sia (9) hahú hosi janeiru to’o setembru 2019, fornese ona kaixaun ba benefisiáriu família kbiit laek hamutuk 856 iha territóriu.

Notísia Relevante : Janeiru-Juñu, MSSI Fornese Kaixaun 400 Resin

Diretór Nasionál Asisténsia Sosiál, Lucas Tois, informa, iha 2019, MSSI aloka osan hamutuk $295.200 hodi kontrata kompañia Murak Tasi-Mane no Raios de Camenasa Unipesoál hodi prodús kaixaun ba ema kiak.

Notísia Relevante : MSSI Sei Sosa Tan Karreta Funeráriu Haat

“Prosesu atu hetan apoiu, primeiru família sira tenke mai ho pedidu hosi lider komunitáriu nune’e mós hosi sira rasik diretamente ba MSSI,” esplika Diretór Nasionál DNAS, Lucas Tois, ohin, ba Ajénsia  TATOLI iha ninia servisu fatin, Caicoli, Dili.

DNAS mós fasilita apoiu  karreta funeráriu hodi tula mate-isin hamutuk 977 hosi nasionál ba munisípiu, postu administrativu, suku no to’o aldeia iha territóriu.

Notísia Relevante : MSSI Konsidera Karreta Funeráriu Importante

“Hosi janeiru-setembru, konsege fasilita hodi tula ona mate isin hamutuk 977 ba munisípiu to’o aldeia iha territóriu,” tenik Diretór Nasionál Asisténsia Sosiál, Lucas Tois.

Jornalista : Nelson de Sousa

Editór       :  Francisco Simões

 

HAKEREK NO HATÁN

Please enter your comment!
Please enter your name here