Karreta funeráriu fasilita tula meta isin iha teritoriu Timor-Leste. Imajen/MSSI

DILI, 05 setembru 2019 (TATOLI)-Iha polítika Orsamentu Jerál Estadu (OJE) tinan fiskál 2020, Ministériu Solidariedade Sosiál no Inkluzaun (MSSI) aposta ona atu sosa tan karreta funeráriu lima (5) atu apoia komunidade nia nesesidade tula mate isin husi nasionál ba munisípiu no to’o ba aldeia sira.

Ministra Solidariedade Sosiál no Inkluzaun, Armanda Berta dos Santos. Imajen/Egas Cristovão

Ministra Solidariedade Sosiál no Inkluzaun (MSSI), Armanda Berta dos Santos, konsidera, karreta funeráriu importante tebes, maibé MSSI mós sei haree prioridade seluk ne’ebé bele apoia povu.

 Notísia Relevante: MSSI Sei Sosa Tan Karreta Funeráriu Haat

Ba Ajénsia TATOLI, ohin, iha Edifísiu MSSI, Caicoli, Dili, Ministra Armanda Berta dos Santos,   kona-ba montante orsamentu ne’ebé MSSI propoin ba item ne’e sei diskute iha nivel téknika hodi foti desizaun ikus.

MSSI sei aumenta mós karreta funeráriu iha munisípiu, Ministra Armanda hateten, MSSI seidauk iha planu maibé MSSI husi munisípiu ida-idak  tenke propoin atu sosa.

Jornalista : Nelson de Sousa

Editór       : Francisco Simões

 

 

HAKEREK NO HATÁN

Please enter your comment!
Please enter your name here