Diretór DNAS,  Mateus da Silva. Imajen/Nelson de Souza

DILI, 22 jullu 2019 (TATOLI)-Durante inísiu Janeiru to’o Juñu, tinan ne’e, Ministériu Solidariedade Sosiál no Inkluzaun (MSSI) liuhosi Diresaun Nasionál Asisténsia Sosiál, fornese ona kaixaun 400 resin ba família kbiit laek.

Diretór DNAS,  Mateus da Silva, informa, tulun ne’e hodi hakmaan família kbiit laek sira ne’ebé presiza hetan apoiu kaixaun tanba laiha osan atu sosa bainhira  sira nia família ne’ebé mate.

“Sira (benefisiáriured) halo proposta liuhosi  lider komunitáriu no balun direita mai MSSI  hodi fó apoiu,” informa Mateus da Silva,  ohin, ba Ajénsia TATOLI, iha ninia servisu fatin, MSSI, Caicoli,  Dili.

Tuir kontratu  ne’ebé MSSI estabelese  ona ho  kompañia nasionál define kada kaixaun ho medida boot ho folin $170 no medida ki’ik $60.

“Ita bele dehan husi fulan neen ne’e, husi munisípiu ida ita apoiu Kaixaun husi sanulu ba leten ba família ne’ebé bi’it laek sira ne’ebé la iha duni kbiit  atu sosa kaixaun ba nia família mate,” Mateus hateten.

Iha 2019, ministériu ne’e prevee orsamentu  $200,000  hodi sosa kaixaun, manutensaun karreta funeráriu, kombustivel no seluk tan.

Alende apoiu kaixaun ba benefisiáriu sira, Diresaun Nasionál Asisténsia Sosiál, fasilita  karreta funeráriu hodi fó tulun ba família sira bainhira presiza. Hodi transporta mate isin to’o Suku, Postu Administrativu no Munisipiu iha territóriu.

Jornalista          : Nelson de Sousa

Editór                : Francisco Simões

HAKEREK NO HATÁN

Please enter your comment!
Please enter your name here