Komunidade sira iha Tasi tolu, Dili, nadodon hela ho sira nia jerigen hodi kuru bee. Sira mós enfrenta hela menus bee moos. Imajen/Antonio Goncalves.

DILI, 18 novembru 2019 (TATOLI)-Bailoron naruk ne’ebé akontese iha territóriu Timor-Leste afeta ba fornesimentu bee moos ba konsumidór sira, basa volume bee komesa menus.

Notísia Relevante : Governu Sei Rezolve Sistema Distribuisaun Bee Moos

Xefe Departamentu Abastesimentu Água no Saneamentu Munisípiu Dili, Francisco Xavier Pereira, hatete, tanki fornesimentu bee moos iha bee-matan Benamauk, Bemori no Maloa, akontese degradasaun tanba impaktu hosi bailoron naruk.

Notísia Relevante      : Prioridade Governu Iha 2020 Mak Bee Moos

“Bee-matan Benamauk, Beemori, Maloa no mós bee-moos ninian akontese degradasaun (penurunan-sigla Indonézia ) hanesan bee menus ba beibeik tanba bailoro naruk,” hateten Xefe Departamentu Abastesimentu Água no Saneamentu ne’e, ohin, ba TATOLI iha ninia servisu fatin Caicoli, Dili.

Notísia Relevante : DNSA Kontinua Halo Manutensaun ba Kanalizasaun Bee Moos

Ho problema menus bee moos ne’ebé akontese maka Diresaun ne’e, deside ona oráriu ba konsumidór sira atu hetan bee moos hosi SAS kada loron.

Notísia Relevante : Presiza Investe Maka’as iha Infraestrutura Bee-moos

“Foin lalais ne’e  ami ba sukat bee nia débitu menus hosi 40 itál litru,” nia tenik tan.

Iha parte seluk, nia hateten, menus bee moos akontese tanba númeru populasaun ne’ebé hela iha Dili barak liu kapasidade bee moos atu fornese ba konsumidór hotu.

Notísia Relevante : SAS Buka Meius Fornese Bee Moos ba Konsumidór Hera

Nia apela ba komunidade sira ne’ebé hela besik área bee matan sira atu labele tesi ai-horis arbiru hodi prezerva bee moos.

Jornalista : Osória Marques

Editór       : Francisco Simões

HAKEREK NO HATÁN

Please enter your comment!
Please enter your name here