Komandante PNTL Munisípiu Bobonaro, Superintendente Xefe, Octávio de Araujo Bucar. Imajen/Antonio Goncalves

DILI, 24 outubru 2019 (TATOLI)-Polisia Nasionál Timor-Leste (PNTL) Munisípiu Bobanaro, sei entrega atributu grupu arte-marsiál balun ne’ebé prende ba Ministériu Públiku.

Notísia Relevante      : Autoridade Prende Atributu Grupu Ilegál

Atributu hirak ne’e prende hosi operasaun konjunta Unidade Patrullamentu Fronteira (UPF) ho FALINTIL-FDTL iha Fronteira Batugade iha loron 17, outubru 2019, tuku 14:00 Otl, ne’ebé transporta ho karreta travel pradise hosi Kupaun-Indonézia mai Timor-Leste atraves fronteira Mota-Ain.

 “Iha loron 28 outubru 2019, Serbisu Investigasaun Kriminál Munisípiu Bobonaro sei entrega evidensia hirak ne’e ba Ministériu Públiku Bobonaro hodi halo prosesu normal,” informa Komandante Polisia Munisípiu Bobonaro, Superintendente Xefe Polisia, Octávio de Araújo Bucar,  ohin, hodi responde Ajénsia TATOLI via telefone.

Notísia Relevante      : Deskonfia Pratika Treinu Arte Marsiál, Tribunal Aplika TIR Ba Joven Nain Ualu

Polisia Servisu Investigasaun Kriminál Bobonaro simu atributu hirak ne’e hosi komandu  operasaun konjunta iha loron 22 outubru, tuku 04:32 Otl iha Maliana.

Tuir dadus atributu grupu ilegál ne’ebé prende ona  kompostu hosi farda hamutuk 53, kamizola 29, sintu ki’ik 31, sintu mutin 11, bandeira arte marsiál rua (2), Korrente ka kalung Ida, kartaun membru hamutuk 29 no fotografia hamutuk lima.

Notísia Relevante      : Operasaun Konjunta Detein Joven 16 Iha Fronteira Batugadé

Kartaun membru ne’ebé prende hamutuk 29 taka kedas ho fotografia membru sira ida-idak nian ho naran kompletu sei entrega hotu ba Ministériu Públiku atu prosesa tuir lei mak vigora ona.

Jornalista : Agapito dos Santos

Editór       : Francisco Simões

HAKEREK NO HATÁN

Please enter your comment!
Please enter your name here