Atividade rejistu labarik iha Postu Administrativu Baucau Vila, Munisípiu Baucau. Imajen/DNRN

DILI, 25 setembru 2019 (TATOLI)-Diretór Jerál Serbisu Rejistu no Notariadu, Ministériu Justisa, Crisogno da Costa Neto, informa, rezultadu serbisu tékniku Diresaun Nasionál Rejistu no Notariadu ho World Vision Timor-Leste konsege rejistu ona labarik husi tinan 0-5  hamutuk 1.746 hodi hetan  ona sertidaun moris RDTL iha Munisípiu Aileu.

Notísia Relevante: DNRN-World Vision Rejista Labarik 504 iha Suku Fatubosa ho Liurai

Prosesu rejistu faze dahuluk  iha Munisípiu Aileu ne’e hala’o ona durante  inísiu Setembru 2019 iha Suku Fatubosa hamutuk labarik  263, Suku  Liurai (276), Suku Fahiria (127), Seloi Malere (224), Seloi-Craik (383), Fohumeta (164), Fatisi (86) no Madabeno ba labarik na’in 222.

Notísia Relevante:MJ-World Vision Asina Akordu Rejista Labarik

Diretór Jerál ne’e mós relata, iha loron 19 setembru liubá, ekipa tékniku   kontinua halo rejistu ba faze daruak iha Postu Administrativu Baucau Villa ne’ebé hala’o iha iha Suku Gariwai  hamutuk labarik  223, Suku Buibau 201, Suku  Uailili (55), no Suku Samalari provizóriu  to’o ohin hamutuk labarik 38 no sei finaliza iha Kinta  (26/09/2019).

Notísia Relevante: Labarik Na’in 2.458 iha Baucau Hetan Sertidaun Moris RDTL

Enkuantu,  faze daruak iha Munisípiu  Aileu abertura iha loron 23 Setembru 2019  iha Suku Fatubosa labarik 2,  Suku Liurai  labarik 142 no semana oin Suku Seloi Malere, Seloi-Craik no termina iha Suku Badabeni Laulara  hodi ensera programa rejista labarik iha Munisípiu Baucau no Aileu.

Notísia Relevante: Labarik 368 iha Gariuai Rejistu Moris

Jornalista : Agapito dos Santos

Editór       : Francisco Simões

HAKEREK NO HATÁN

Please enter your comment!
Please enter your name here