Estatua rua iha Baucau Vila Antiga. Imajen foti hosi google

DILI, 03 setembru 2019 (TATOLI)-Ekipa téknika husi Diresaun Nasionál Rejistu no Notariadu (DNRN), Ministériu Justisa (MJ), ho Word Vision Timor-Leste konsege rejista ona labarik husi tinan 0-5  hamutuk 2.458 iha Postu Administrativu Baucau Villa, Munisípiu Baucau, hodi hetan sertidaun moris RDTL.

Notísia Relevante : Labarik 368 iha Gariuai Rejistu Moris

Diretor Jeral Diresaun Nasional Rejistu no Notariadu, Crisogno da Costa Neto. Imajen/Osória A.Marques

Diretór Jerál Servisu Rejistu no Notariadu, Ministériu Justisa, Crisogno da Costa Neto, informa,  lala’ok rejistrasaun moris ba labarik husi  Munisípiu Parte Leste ne’e halo iha Suku Buibau, Gariuai, Samalari, Uailili no Tirilolo ne’ebé hala’o  durante fulan agostu liubá.

Notísia Relevante : Labarik 1.414 iha Baucau Hetan Ona Sertidaun RDTL

“Rezultadu Rejistu moris ba labarik iha Postu Administrativu Baucau  Vila, Munisípiu Baucau hamutuk  labarik  na’in 2.458,” informa Diretór DNRN, Crisogno da Costa Neto, ohin, ba  Ajénsia TATOLI liuhusi komunikasaun mensajen WhatsApp.

Nia relata, ohin ekipa husi parte DNRN no World Vision  Timor-Leste mós hahú halo rejistrasaun hanesan ba labarik sira iha  Suku Fatubosa, Postu Administrativu Aileu Villa,  Munisípiu Aileu.

Notísia Relevante : Semana Oin, DNRN-World Vision Hahú Rejistu Labarik

Depois termina  iha Suku Fatubosa, ekipa téknika sei kontinua halo rejistu iha Suku Fatinosa, Suku Liurai, Fahiria  no Seloi Malere ne’ebé pertense ba Postu Administrativu Aileu Villa.

Notísia Relevante : MJ-World Vision Asina Akordu Rejista Labarik

Iha Munisípiu Aileu sei konklui iha Suku Seloi Kraik, Madabenu, Tou Meta no Fatisi,  Postu Administrativu Laulara nian.

Jornalista : Agapito dos Santos

Editór       : Francisco Simões

HAKEREK NO HATÁN

Please enter your comment!
Please enter your name here