Lia nain sira husi Maliana partesipa iha konsultasaun públiku kona-ba Lei Kostumeiru ne'ebé hala'o husi MRLAP iha Maliana, Munisípiu Bobonaro. Imajen/Domingos Piedade Freitas

BOBONARO, 27 agostu 2019 (TATOLI)– Ministériu Reforma Lejizlativu no Asuntu Parlamenteres (MRLAP)  iha polítika orientada atu hamoris no fó kbi’it ba lei tradisionál hodi bele rezolve disputa ki’ik sira ne’ebé mak akontese iha sosiedade.

Notísia Relevante : MRLAP Kontinua Konsulta Lei Kostumeiru iha Atabae

Konsultasaun Públiku kona-ba Lei Kostumeiru husi MRLAP. Imajen/Domingos Piedade Freitas

Ho pensamentu ida ne’e, MRLAP kontinua halo konsulta públiku no halo levantamentu husi lia na’in sira bazeia ba étniku ka dalen. Nune’e, ba oportunidade loron ohin nian, ekipa MRLAP   ne’ebé lidera husi Xefe Gabinete Andre Lote, halo konsultasaun no konsolidasaun iha Postu Administrativu Maliana, Munisípiu Bobonaro, hodi hatene kle’an kona-ba kostume sira iha étniku Bunak.

“Ha’u hanoin Governu liu husi MRLAP rona lia na’in no liurai sira kona ba étniku Bunak, Midiki, Mambae, Tokodede, Naueti, Tetum, Makasae, Uaima’a, Kemak, Fataluku no seluseluk tan atu sai rejénsia hodi halo enkuadramentu legal,” esplika Andre Lote. Ohin, iha Maliana.

Notísia Relevante : MRLAP Kontinua Halo Konsultasaun Públiku Lei Kostumeiru no Justisa Tradisionál

Nia afirma, atividade konsultasaun públika ida ho atu hamoris fila fali justisa tradisionál sira ne’ebé tuir loos, iha nanis tiha ona antes kolonialista tama iha Timor. Maibé nunka hetan rekoñesimentu, tanba ne’e liu husi polítika VIII Governu nian tau mós iha programa ho nune’e lei kostumeiru no justisa tradisionál hetan mós fatin ka rekoñesimentu husi lei formal.

Notísia Relevante : MRLAP Halo Konsulta Públiku Ba Lei Kostumeiru ho Justisa Tradisionál Iha Ermera

Konsultasaun publika ida nee MRLAP hala’o ba faze daruak nian, faze dahuluk hahú tiha ona iha Gleno ho lian dalen Mambae no Liquiça ho lian Tokodede. Enkuantu, faze daruak hahú husi Atabae ho lian Kemak, Maubara ho lian Bunak, Marobo ho lian Kemak no Lolotoe ho lian Bunak.

Jornalista : Domingos Piedade Freitas

Editór       : Francisco Simões

HAKEREK NO HATÁN

Please enter your comment!
Please enter your name here