Povu Ermera selebra loron konsulta populár ba dala-20 (30 agostu 1999-30 agostu 2019) ho prezensa misaun INTERFET. Imajen/Osória A.Fernandes

GLENO, 09 agostu 2019 (TATOLI)-Povu Munisípiu Ermera, ohin, konsentra iha Gleno, hodi selebra loron konsulta populár  (referendu) ba dala-20 (30 agostu 1999-30 agostu 2019) no prezensa Misaun INTERFET nian, 20 setembru 1999.

Notísia Relevante : Baucau Komemora Loron Konsulta Populár

Ba loron dahuluk selebrasaun festa populár ne’ebé hala’o iha Gleno, prienxe  ho  atividade reflesaun  hodi hanoin sakrifisiu no mate ween povu ida ne’e nian bainhira deside nia destinu “Ukun Rasik Aan” liuhosi   konsulta populár.

Selebrasaun festa Referendu iha Gleno ho tema “Hosi Akudesan ba Rekonsiliasaun, Rekonstrusaun no Dezenvolvimentu Nasionál” aprezenta Komandante FALINTIL, Ernesto Soares “Dudu”, ho Veteranu Eduardo Barreto “Dusae” hanesan oradór prinsipál.

Notísia Relevante : Manan iha Viqueque, Ekipa Tolu Sei Partisipa Kompetisaun iha Dili

Veteranu na’in rua ne’e apela ba entidade hotu-hotu, atu halo reflesaun ba loron Referendu nian no hametin espíritu nasionalizmu ho unidade nasionál.

“Unidade importante ba ita entre ita ho ita. Ita maun-alin no ita feton-na’an,”  hateten veteranu Dudu.

Notísia Relevante : Referendu ‘99’, Povu Matenek no Brani

Nia afirma katak, ukun aan ida ne’e mai tanba Timoroan sira nia unidade, respeita malu no rona malu. Ho nune’e mak konsege unifika Timoroan nia forsa hoi hakat ba urna vota iha CNRT (Conselho Nasional Resistensia Timorense).

Veteranu Dusae reforsa tan, alvu rekonsiliasaun halo Timoroan atu simu malu no la bele kondena malu. Tanba ema ida nia sala, tribunal mak sei tesi.

“Ita nia luta ba determinasaun, la’ós ami veteranu mak hakotu, maibé povu mak deside,” afirma veteranu Dusae.

Jornalista   : Osória A.Marques

Editór         : Francisco Simões

HAKEREK NO HATÁN

Please enter your comment!
Please enter your name here