Polisia kaer metin suspeita soe bebeé iha area Taibesi nian iha Tribunal Distritál Dili. Imajen/Domingos Piedade Freitas

DILI, 07 agostu 2019 (TATOLI) – Suspeita ho inisiál LDA ne’ebé soe bebé mane oan ida iha area Merkadu Taibesi, ohin, submete ona ba julgamentu primeiru interrogatóriu (PI) iha Tribunál Distritál Dili (TDD).

Notísia Relevante : PNTL Detein Ona Suspeitu Soe Bebé iha Taibesi ho Suspeitu Oho Guilhermino iha Fatu-Ahi

Tuir autos balun ne’ebé Ajénsia TATOLI asesu katak, suspeita ne’e soe bebé iha loron 30 jullu 2019 no polisia halo investigasaun hodi identifika duni suspeita no detein iha loron 04 agostu, foin lalais ne’e.

Suspeita kumpre ona detensaun iha  sela polísia munisípiu Dili durante oras  72 nia laran.

Informasaun seluk, ne’ebé suspeita konfesa ba polísia katak,  nia duni mak inan ba bebé ne’ebé soe iha area Merkadu Taibesi no molok soe, nia buti mate tiha kosok oan sala laek ne’e bainhira nia partu.

Notísia Relevante :  PR Lú Olo: Justisa Tenke Sériu Julga Kazu Soe Bebé

Soe Bebé, La Refleta Kultura TL

Ministériu Públiku promove ho krime Infantisídiu (krime oho bebé) no iha krime ne’e hatete inan ne’ebé oho nia oan durante partu no kuandu nia sei iha hela partu nia influénsia perturbadora sei hetan pena prizaun tinan tolu to’o tinan 10.

Audiénsia primeiru interrogatóriu ne’ebé prezide hosi juis Maria Modesta, deside hikas kontinuasaun ba kinta aban (08/08/2019), tuku 14:00 Otl.

Iha julgamentu primeiru interrogatóriu ne’e, suspeita hetan asisténsia legál hosi advogadu privadu Fernando da Costa ho Belmira Fernanda Soares no Ministériu Públiku (MP) reprezenta hosi Prokuradór Reinato Bere Nahac.

Notísia Reevante :  Igreja Kondena Inan Deskoñesidu Soe Bebé

Presiza Investiga Kle’an Kauza Hosi Inan Soe Bebé

Jornalista  : Domingos Piedade Freitas

 Editór      : Francisco Simões

HAKEREK NO HATÁN

Please enter your comment!
Please enter your name here