Primeiru-Ministru, Taur Matan Ruak,Prezide Reuniaun Konsellu Ministru iha Palásiu Governu, Dili, Kuarta (07/08/2019). Imajen/Egas Cristovão

DILI, 07 agostu 2019 (TATOLI) – Ekipa téknika, kompostu hosi Ministériu Finansa, Diresaun Jerál Estatístika inklui Ministériu Agrikultura no Peska, aprezenta preparasaun Sensu Agríkola 2019 iha reuniaun Konsellu Ministru iha Pálasiu Governu, ohin.

Prezidente Sensu Agríkola, Elias dos Santos Ferreira, informa preparasaun ba implementasaun Sensu Agríkola atinje ona porsentu 95.

“Ami esplika prosesu tomak, hahú hosi preparasaun depois VI Governu aprova rezolusaun ba atividade Sensu Agrikultura, ami mós esplika kle’an liu sobre listajen, umakain no komunitária, atu lori ne’e ba husu xefe suku sira katak fasilidade saida maka suku ne’e iha”, salienta.

Iha aprezentasaun ne’e, Elias haktuir Governu apresia tebes ba programa Sensu Agríkola, tanba ho ida ne’e maka sai baze hodi halo dezenvolvimentu.

Aléinde ne’e mós Elias dos Santos, informa kona-ba treinamentu ba treinadór sira ne’ebé la’o ona, treinamentu ba entrevistadór inklui GPS ne’ebé daudaun ne’e la’o hela iha munisípiu hotu.

Nia haktuir katak treinamentu hahú ona iha 1 to’o 9 agostu 2019, nune’e bainhira remata maka sei halo lansamentu iha 12 agostu tinan ne’e, enkuantu Sensu Agrikultura sei hala’o durante fulan rua, hahú iha 12 agostu to’o 12 outubru.

Treinadór 200 Ba Sensu Agríkola 2019 Partisipa ToT

Nune’e iha dezembru, hahú halo limpeza ba dadus no janeiru 2020 bele halo ona lansamentu ba rezultadu prelimináriu Sensu Agrikultura.

Iha abríl 2020, hahú lansamentu ba relatóriu finál no ikus mai iha Maiu komesa halo ona diseminasaun ba munisípiu 12 inklui Rejiaun Administrativa Especial Oe-Cusse Ambeno (RAEOA), tanba dadus ne’ebé durante ne’e foti sei lori filafali ba komunidade iha suku, postu administrativu no munisípiu atu halo dezenvolvimentu ne’ebé bazeia ba dadus.

Tuir planu, lansamentu Sensu Agríkola, posivelmente sei lansa hosi Primeiru-Ministru, Taur Matan Ruak.

Governu Sei Hahú Sensu Agríkola Iha 12 Agostu

Vaga Ba Sensu Agríkola 2019 Sei Taka Sai Iha Tempu Badak

15 Jullu Sei Fó Sai Naran Aplikante Vaga Serbisu Sensus Agríkola

Jornalista : Antónia Gusmão

Editora    :  Maria Auxiliadora

HAKEREK NO HATÁN

Please enter your comment!
Please enter your name here