Prezidente Federasaun Atletizmu Timor – Leste, Afrânio Xavier Amaral. Imjen Tatoli/Dok

DILI, 24 juñu (TATOLI)— Prezidente Federasaun Atletizmu Timor -Leste (FATL), Afrânio Xavier Amaral, informa, hahú treinu atleta sira hodi prepara fíziku hodi kompete eventu ASEAN University Games ne’ebé sei realiza iha fulan jullu, iha nasaun Táilandia.

“Ita sei halo selesaun mak foin haruka atleta na’in-rua bá kompete iha eventu internasionál.  Nune’e ita hahú treina atleta atu hatudu prestasaun di’ak iha kompetisisaun ne’e,” Prezidente FATL ne’e, hateten ba Afranio ba Agência TATOLI via média sosial WhatsApp, sesta ne’e.

Notísia relevante:  FATL halo promosaun ba atleta Felisberto de Deus

Daudaun ne’e, atleta sira halo hela treinamentu iha Zinájiu Dili, Estádiu Munisipál Dili no seluk tan hodi haree prestasaun atleta sira nian, hafoin halo selesaun ba ema na’in-rua atu reprezenta Timor-Leste bai ha eventu mundiál ne’e.

Jogu ASEAN University Games ne’e halo entre nasaun hotu ne’ebé hamahan-an iha organizasaun Sudeste Aziátiku ka ASEAN kompostu hosi Timor-Leste, Tailándia, Filipina, Myanmar, Vietname, Cambodia, Laos, Malázia, Singapura, Brunei no Indonézia.

Jogu ne’e sei partisipa direta hosi Universidade hotu iha nasaun ne’ebé halibuar an iha ASEAN. Enkuatu Timor-Leste hetan oportunidade ba modalidade neen mak sei ba partisipa mak hanesan, Atletizmu, Voliból-Praia, Xadres, Taekwondo no Futeból.

Notísia relevante:  PR enkoraja atleta timor-oan kompete ho aten-brani no neon metin

Jornalista: Hortencio Sanchez

Editór      : Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here