Diretór Naionál Asisténsia Sosiál (DNAS), Lucas Tois. Imajen Tatoi/Osoria Marques.

DILI, 15 juñu 2022 (TATOLI)–Diretór Nasionál Asisténsia Sosiál (DNAS), Lucas Tois, hateten simultaneamente programa “bolsa da mãe jerasaun foun” sei lansa iha munisípiu Ainaro, Bobonaro no Rejiaun Administrativa Espesiál Oé-Cusse Ambeno (RAEOA) iha 17 juñu.

Notísia Relevante: Governu sei lansa rejista “bolsa da mãe jerasaun foun” iha 17 juñu

“Ita sei lansa simultaneamente programa bolsa da mãe jerasaun foun, bainrua, 17 juñu,” Diretór Nasionál Asisténsia Sosiál (DNAS), Lucas Toi, hateten ba Agência TATOLI, via telefónika, kuarta ne’e.

Bainhira halo tiha lansamentu, pesoal rejistu sira diretamente halo rejistu ka atende kedas benfisiáriu sira iha sentru saúde sira-ne’ebé koloka iha munisípiu Ainaro, Bobonaro no RAEOA.

“Ita hakarak lansa simultanea, nune’e munisípiu tolu ne’e direta rejistu no automátika tama iha sistema ne’ebé mak ekipa MSSI prepara ona. Hahú ne’e, ita sura ona benefisiáriu sira,” nia dehan. 

Tuir nia, lansamentu bolsa da mãe jerasaun foun iha Ainaro, Vise Premeiru-Ministra no Ministra Solidariedade Sosiál (MSSI), Armanda Berta dos Santos, hamutuk ho Ministra Saúde (MS), Odete Maria Freitas Belo, mak sei lansa.

Iha Munisípiu Bobonaro, Diretór Administrasaun no Finansa, Rui Manuel Gago Exposto, mak sei reprezenta Governu hodi lansa no Diretór Nasionál Asisténsia Sosiál (DNAS), Lucas Tois, mak sei lansa programa refere iha RAEOA.

Pesoal rejistu ba programa “bolsa da mãe jerasaun foun” iha munisípiu tolu ne’e hamutuk 85 ne’ebé kompostu hosi Ainaro 24, Bobonaro 35 no RAEOA 26, no kada sentru saúde sei destaka pesoál rejistu ema na’in-ida (1).

Dadus estimasaun ba programa “bolsa da mãe jerasaun foun” hamutuk 27.432 ho montante orsamentu millaun $6,9.

Notísia Relevante: 17 jullu: BNCTL sei halo pagamentu ba “bolsa da mãe jerasaun foun”

Jornalista : Osória Marques

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here