Diretór Naionál Asisténsia Sosiál (DNAS), Lucas Tois. Imajen Tatoi/Osoria Marques.

DILI, 03 juñu 2022 (TATOLI)—Governu liuhosi Diretór Nasionál Asisténsia Sosiál (DNSA), Lucas Tois, informa Ministra Solidariedade Sosiál no Inkluzaun (MSSI), Armanda Berta dos Santos, sei lansa rejistu dahuluk benefisiáriu ba programa “bolsa da mãe jerasaun foun” iha Cailaco iha 17 juñu 2022.

Notísia Relevante: Ofisiál rejista “bolsa da mãe jerasaun foun” tuir formasaun iha MSSI

“Iha loron 17 juñu, sei hahú lansa primeiru rejista iha postu adminiatrativu Cailaco no tuir planu Primeiru-Ministru, Taur Matan Ruak, mak lanasa maibé ultima konfirmsaun ne’e Primeiru-Ministru kansela ba serimónia lansamentu ofisiál entaun Ministra MSSI hamutuk ho Ministra Saúde (MS) mak sei lansa,” Diretór ne’e hateten ba Agência TATOLI, iha nia knaar fatin MSSI Caicoli, Dili, sesta ne’e.

Tuir nia, MSSI planea halo lansamentu ne’e sei hala’o simultaneamente iha munisípiu Ainaro, Bobonaro no Rejiaun Administrativa Espesiál Oé-Cusse Ambeno (RAEOA) maibé sei la akontese tuir planu ne’e tanba RAEOA problema transporte.

“Nune’e, ita deside sei lansa de’it iha Cailaco. Depois, loron tuir mai mak ofisiál rejistu iha munisípiu tolu rejistu dala ida de’it,” nia dehan.

Ofisiál rejistu hamutuk 85 ne’ebé MSSI fó ona formasaun ba sira, agora ekipa ofisiál rejistu preparadu no hein atu dezloka ba sentru saúde no ospitál referál sira iha munisípiu tolu ne’e.

Kompañia ne’ebé dezena sistema ne’e, agora nia server iha ona MSSI atu akumula dadus no dezeña hosi Departement of Foreign Affairs and Trade (DFAT) liuhosi Governu Austrália nian.

“Ita hetan apoiu hosi DFAT no Programa ba Dezenvolvimentu Umana (PHD) hosi Austrália nian no Kompañia dezeñadór dehan prontu ona, entaun ami deside iha loron 17 agora halo lansamentu,” nia esplika.

Hafoin rejistu, nia dehan, ofisiál rejistu sei halo pagamentu dahuluk nian iha agostu nia-laran no kona-ba pagamentu sei nafatin liuhosi Banku Nasionál Komérsiu Timor-Leste (BNCTL) liuhosi nia sukursál sira iha pontu no munisípiu maibé atu foti tutan mak sei hein ajénsia balun ne’ebé disponível atu selu.

Maibé, nia dehan, pagamentu ba benefisiáriu RAEOA Telkomsel prontu atu atende no Ainaro Bobonaro sei iha prosesu diskusaun ho ajénsia sira seluk.

Programa bolsa da mãe jerasaun foun, Governu Timor-Leste prevee osan hamutuk millaun $7 no Governu Austrália aloka $5.

Jornalista  : Osória Marques

Editór        : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here