Prezidente Parlamentu Nasional, Aniceto Guterres. Imajen Tatoli/Antonio Goncalves.

DILI, 08 juñu 2022 (TATOLI)-Prezidente Parlamentu Nasionál, Aniceto Longuinhos Guterres Lopes, informa nia-parte simu ona notifikasaun hosi Tribunál Rekursu (TR) hodi hatán ba Prezidente Repúblika (PR), José Ramos Horta, ne’ebé hato’o pedidu fiskalizasaun konstituisionalidade ba projetu-lei responsabiliade PR ba TR.

Notísia Relevante: PR Horta husu konstitusionalidade projetu-lei responsabilidade PR ba Tribunál Rekursu

“Agora Tribunál Rekursu notifika ona ha’u ne’ebé ha’u tenke hatán dentru loron lima mais tarde to’o tersa-feira resposta tenke tama ona,” Prezidente PN ne’e hateten ba Agéncia Tatoli liuhosi entrevista eskluzivu iha nia knar fatin Parlamentu Nasionál, kuarta ne’e.

Konstituisaun fó dalan ba Xefe Estadu ba dekretu Parlamentu Nasionál ka projetu-lei sira-ne’ebé PN aprova, haruka ba hodi hato’o pedidu fiskalizasaun konstituisionalide ba iha Tribunál Rekursu (TR).

“Ne’e kompeténsia konstituisionál PR ezerse knar antes promulga, nia bele husu ba Tribunál fiskaliza uluk ne’ebé bolu fiskalizasaun preventive. Ne’ebé, laiha problema. Agora, ita hein Tribunál Rekursu deside saida,” nia dehan.

Tan ne’e, nia dehan, nu’udar Prezidente Parlamentu Nasionál (PN), nia parte sei hatán notifikasaun hosi Tribunál Rekursu (TR) tuir pozisaun interpretasaun no hein desizaun saida de’it hosi TR ne’e prontu atu kumpre.

“Bainhira dezisaun Tribunbál Rekursu mak sei vinkula jerál no Parlamentu Nasionál laiha razaun atu la kumpre, tanba ne’e hein desizaun,” nia dehan.

Notísia Relevante: PN aprova projetu lei Responsabilidade Prezidente Repúblika iha finál globál

Jornalista : Nelson de Sousa

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here