Imajen/Media PR.

DILI, 16 maiu 2022 (TATOLI)—Parlamentu Nasionál, segunda ne’e, aprova ona projetu lei númeru 42/V (4a)- kona-ba Responsabilidade Prezidente Repúblika iha finál globál ho votu a-favór 35, kontra 24 no abstensaun 0.

Notísia Relevante: PN aprova projetu lei Responsabilidade Prezidente Repúblika iha jeneralidade

“Nune’e projeitu lei númeru 42/V (4a) Responsabilidade Prezidente Repúblika aprovadu iha finál global,” Prezidente Parlamentu Nasionál, Aniceto Longuinhos Guterres Lopes, deklara iha plenária Parlamentu Nasionál, segunda ne’e.

Nune’e,komisaun A ne’ebé trata asuntu Justisa no Konstituisional sei halo redasaun finál hafoin sei haruka ba Prezidente Repúblika mak iha kompeténsia atu promulga ka veta.

Preámbulu Projetu lei Responsabilidade Prezidente Repúblika mak Prezidente Repúblika responde ba krime prátikadu iha exersísu funsaun no violasaun klara no grave, obrigasaun konstituisional perante Supremu Tribunál Justisa inisiativa hosi Parlamentu Nasionál, tuir termu iha konstituisaun artigu 97.

 Distinsaun  ne’e afirma fundamentu autónomu ba efetivasaun responsabilidade Prezidente Repúblika, ne’ebé bele lori destituisaun.

Exersísiu ne’e interresa konsidera Kódiku Penál prevee krime prátika iha exersísiu funsaun públika, norma aplikavel ba krime prátikadu iha exersísiu funsaun PR.

Objetu prezente lei estabelese rejime jurídiku responsabilidade PR hosi krime komete iha exersísiu funsaun ka violasaun klara no grave obrigasaun konstituisional, no prezente lei define konduta típika krime komete iha exersísiu funsaun hosi PR estabelese respetiva sansaun.

Projetu lei ne’e iha artigu hamutuk 30, hahú hosi Kapítulu I Dispozisaun Jerál ho nia artigu rua, Kapítulu II Tramitasaun Prosedimentu Komun ho artigu hitu, Kapítulu III Krime Kometidu iha exersísiu funsaun Prezidente Repúblika, Sesaun I Dispozisaun Jerál ho artigu tolu.

Sesaun II Dispozisaun Penál Espesiál ho artigu 10, Sesaun III Dispozisaun Espesiál Prosesu Penál ho artigu tolu, Kapítulu III Violasaun Klara no Grave Obrigasaun Konstituisional ho artigu haat no Kapítulu V Dispozisaun Finál ho artigu rua.

Projetu lei ne’e asina hosi Deputadu Fretilin, Joaquim dos Santos, Deputadu PLP, Francisco de Vasconselos no Deputadu Khunto, Luís Roberto.

Notísia Relevante: PN inisia projetu-lei kona-ba responsabilidade Prezidente Repúblika

Jornalista : Nelson de Sousa

Editór        : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here