Prezidente Repúblika, Ramos Horta .Imajen Tatoli/Antonio Daciparu

DILI, 08 juñu 2022 (TATOLI)—Prezidente Repúblika, José Ramos Horta, hato’o ona deskulpa ba deputadu-sira iha Parlamentu Nasionál, ne’ebé sente ofendidu ba nia-deklarasaun ne’ebé públika hosi ajénsia notisioza Aljazeera, iha loron 24 maiu.

“Ha’u ko’alia ho jornalista ne’e dala ruma polítika, ita hateten maka depois ita arepende, maibé  ho intensaun la’ós atu insulta fali, se buat ne’ebé ha’u hateten momentu ne’ebé ofende sira (parlamentu) ha’u husu deskulpa no ha’u prontu atu tuun ba ko’alia ho sira. Tanba ne’e la’ós ha’u nia intensaun”, PR Horta hateten ba jornalista sira iha salaun UNTL Hera, kuarta ne’e.

Notísia relevante: PPN louva PR Horta husu deskulpa ba deputadu sira iha PN

Xefe Estadu hato’o kestaun ne’e relasiona ho deputadu -sira iha Parlamentu Nasionál, ne’ebé lamenta ho deklarasaun PR ne’ebé hato’o ba mídia internasionál Ajénsia Notisiosa Aljazeera. (https://www.aljazeera.com/news/2022/5/24/east-timors-president-to-focus-on-economy-political-stability)

Nune’e, Bankada Governu husu ba Prezidente Repúblika atu aprende liafuan no hahalok di’ak hosi povu no tenke aprende Konstituisaun  RDTL hodi haknaar án tuir kompeténsia ne’ebé iha no la’ós atu sai opozisaun ba VIII Governu no Parlamentu Nasionál.

“Ha’u ko’alia halimar uitoan hanesan dalan balun ita nia governu ai- tonka, pois ha’u refere ba lei limitasaun poder Prezidente nian. Ha’u hanoin sira rasik arepende tiha, maibé prontu ha’u lakohi ofende deputadu sira, ha’u lakohi ofende Governu, se buat ne’ebé ha’u hateten momentu ne’ebá ofende sira dala ida tan ha’u husu deskulpa”, Xefe Estadu Horta husu deskulpa.

Notísia relevante: Horta prefere diálogu duké disolve Parlamentu Nasionál

Jornalista: Natalino Costa

Editór      : Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here