Prezidente Repúblika eleitu ba períodu 2022-2027, José Ramos Horta, hasoru malu ho Prezidente Parlamentu Nasionál (PPN), Aniceto Longuinhos Guterres Lopes, iha salaun enkontru PPN, sesta (29/04). Imajen Tatoli/Francisco Sony.

DILI, 08 juñu 2022 (TATOLI)—Prezidente Parlamentu Nasionál, Aniceto Longuinhos Guterres Lopes, konsidera Prezidente Repúblika (PR), José Ramos Horta, husu deskulpa ba Deputadu sira iha Parlamentu Nasionál ida-ne’e hatudu jestu ne’ebé di’ak.

Notísia Relevante: PR Horta husu deskulpa ba Deputadu Bankada Governu iha PN

Prezidente Parlamentu Nasionál ne’e agradese no louva jestu hosi Prezidente Repúblika, José Ramos Horta, hodi husu deskulpa ba Deputadu sira iha PN, tanba linguazen ne’e ema iha mundu tomak iha asesu.

“Kestaun linguajen ne’ebé Prezidente Repúblika ko’alia iha mídia internasionál Agência Notisioza Aljazeera ne’ebé Deputadu sira sente ofendidu tiha no Prezidente Repúblika husu ona deskulpa, ne’e jestu ne’ebé di’ak atu hadi’a no armoniza relasaun instituisionál entre órgaun rua. Ha’u agradese no louva jestu hosi Prezidente Repúblika, José Ramos Horta, hodi husu deskulpa ba Deputadu sira iha PN,” Prezidente Parlamentu Nasionál ne’e responde Agéncia Tatoli iha entrevista eskluziva iha nia knaar fatin Parlamentu Nasionál, kuarta ne’e.

Tuir nia, PN halo lei tuir nia kompeténsia ne’ebé asuntu ne’e kestaun kona-ba lei ne’ebé Parlamentu aprova haruka ba Prezidente Repúblika promulga, maibé promulga ka lae ne’e depende ba PR tanba iha konstituisaun fó kompeténsia tomak no to’o iha ne’e laiha órgaun ida atu influénsia.

Maibé konstituisaun mós prevee bainhira la promulga tenke fundamenta no haruka mensajen mai PN, tanba ne’e uza linguajen ofende tanba Estadu ne’e iha kada órgaun hala’o nia knar no funsaun ne’ebé povu mak hili hotu.

“Agora, se uza linguajen ruma ofende malu maibé to’o ikus sistema separasaun podér ida-idak hala’o nia knaar maibé interdependénsia ba malu,” nia hateten.

Notísia Relevante: Horta prefere diálogu duké disolve Parlamentu Nasionál

Jornalista : Nelson de Sousa

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here