Ministru Administrasaun Estatál (MAE), Miguel Pereira de Carvalho. Imajen/TATOLI

DILI, 08 juñu 2022 (TATOLI)—Ministru Adminitrasaun Estatál (MAE), Miguel Pereira de Carvalho, hateten iha tempu badak MAE sei aprezenta proposta-lei eleisaun parlamentár ba Konsellu Ministru (KM).

Notísia Relevante: Eleisaun parlamentar 2023, Governu hahú halo preparasaun ba atualizasaun baze dadus

“MAE konklui ona lei hodi altera lei eleisaun parlamentar nian. Lei ida-ne’e, iha tempu badak, ha’u sei lori ba Konsellu Ministru hodi diskute no aprova, nune’e Governu sei lori ba Parlamentu Nasionál,” Ministru Administrasaun Estatál ne’e informa ba Agência Tatoli, hafoin enkontru Extraordináriu ho Xefe Governu, Taur Matan Ruak, iha resintu Palásiu Governu, kuarta ne’e.

Governu liuhosi Ministériu Administrasaun Estatál (MAE) sei esforsu, nune’e lei eleisaun parlamentár ne’e bele aprova iha Parlamentu Nasionál.

“Ha’u espera, antes tinan ida-ne’e nia rohan ne’e, lei eleisaun parlamentár mós bele aprova iha Parlamentu Nasionál,” nia dehan.

Entretantu husu kona-ba planu halo alterasaun lei partidu polítiku, nia hatán, ida-ne’e legislativa Ministériu Administrasaun Estatál ninian duni maibé bainhira altera mak nia parte sei informa ba públiku.

Nakait ho alterasaun lei eleisaun parlamentár, Sekretariadu Tékniku Adminitrasaun Eleitorál (STAE), Acilino Manuel Branco, hateten STAE nia parte mós propoin atu estabelese tan sentru votasaun ba Ema ho Defisiénsia matan sira.

“Neste momentu, MAE promove hela alterasaun lei parlamentar, ne’ebé STAE kontribui tiha ona ninia opiniaun mak ita hanoin atu estabelese sentru votasaun ba maluk defisiénsia sira, tanba foin daudauk ita-nia asesoria Prezidente Repúblika, José Ramos Horta, nian hateten katak ema ho defisiénsia iha Timor-Leste hamutuk 38,118,” nia dehan.

Hosi totál ema ho defisiénsia ne’e, nia dehan, STAE esforsu propoin sentru votasaun ba ema ho defisiénsia matan sira, nune’e sira mós ezerse mesak sira-nia direitu iha eleisaun parlamentár 2023.

Notísia Relevante: Eleisaun Parlamentár 2023: MNEK sujere kria sentru votasaun foun iha Indonézia-Filipina

Jornalista : Osória Marques

Editór        : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here