Ministru Administrasaun Estatál, Miguel Pereira de Carvalho. Imajen TATOLI/Francisco Sony.

DILI, 08 juñu 2022 (TATOLI)—Ministru Administrasaun Estatál (MAE), Miguel Pereira de Carvalho, hateten iha eleisaun parlamentár 2023 ne’e Governu (MAE) liuhosi Sekretariadu Tékniku Adminitrasaun Eleitorál (STAE) hahú halo preparasaun ba atualizasaun baze dadus no resensiamentu eleitorál iha territóriu Timor-Leste.

Notísia Relevante: Eleisaun Parlamentár 2023: MNEK sujere kria sentru votasaun foun iha Indonézia-Filipina

“Ami hahú halo preparasaun ba eleisaun parlamentár liuhosi STAE no STAE hahú ona halo atualizasaun baze dadus no mós resensiamentu eleitorál iha territóriu nasionál,” Governante ne’e informa ba Agência TATOLI, hafoin enkontru Extraordináriu ho Xefe Governu, Taur Matan Ruak, iha resintu Palásiu Governu, kuarta ne’e.

Atualizasaun baze dadus no resensiamente eleitorál ne’e hala’o to’o tinan oin no tama eleisaun parlamentar nian, maibé aleinde ne’e STAE mós halo ona levantamentu dadus iha terrenu atu konfirma dadus.

“Bainhira konfirma númeru mak ita haree. Se ita presiza tan sentru votasaun ka mantein,” nia hateten.

Diretór Jerál Sekretariadu Tékniku Administrasaun Eleitorál (STAE), Acilino Manuel Branco, hateten daudaun ne’e ekipa STAE halo resensiamentu eleitorál iha munisipiu 12 ho Rejiaun Administrativa Espesiál Oé-Cusse Ambeno (RAEOA), ba sidadaun ne’ebé kompleta ona ba tinan 16 hodi hakbesik an hodi rejistu no ba sira-ne’ebé mak kartaun eleitorál aat, lakon no tohar bele ba atualiza fali.

“Espesiál ba sidadaun sira-ne’ebé mak iha suku foun sira, mai hosi 2016 eziste kontinua uza kartaun elitorál tuan nian ne’e tenke ba atualiza. Se lae, sei problema bainhira tempu eleisaun,” nia dehan.

STAE rejistu eleitór elijivel iha territóriu nasionál hamutuk 859.613, iha estranjeiru 852.500 ne’ebé rejistadu iha nívél nasionál 7.113 iha diáspora.

Jornalista : Osória Marques

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here