Diretór Nasionál Pensaun no Subvensaun hosi Sekretária Estadu Combatante Libertasaun Nasionál Manuel Araújo dos Santos. Imajen/Tatoli Nelson Sousa

DILI, 02 junu 2022 (TATOLI)—Diretór Departamentu Pensaun no Sobrevivente, Manuel Araujo dos Santos, hateten rekerrente ba bolsa estudu veteranu nia oan hamutuk 1,548 ne’e, agora sei iha faze ajustamentu iha munisípiu sira.

Notísia Relevante: MAKLN sei taka sai lista bolsa estudu ba veteranu nia oan

“Bainhira halo tiha ajustamentu, sei tama ba faze crros-check no ikus mak halo afiksasaun dokumentu bolseiru nian. Durante fulan ida rejistu ba rekerrente bolsu estudu ne’e hamutuk 1,548 maibé vaga ne’e ba de’it ema 1,300 no kada munisípiu iha bolseiru 100,” Manuel dos Santos hateten ba Agência TATOLI, iha nia knaar fatin Caicoli, Dili, kinta ne’e.

Dokumentu sira-ne’e halo konfirmsaun ho parte relevante sira hanesan parte ne’ebé parseria ba asuntu ne’e mak Ministériu Edukasaun Ensinu Superiór nian ba iha fundu dezenvolviementu kapitál umanu (FDCH-sigla portugés), Komisaun Funsaun Públika (CFP) no Seguransa Sosiál mak sei haree dokumentu sira-ne’e.

Nia progresu ohin loron halo reajustamentu ba hotu iha munisípiu 13 no depois tama faze crros-check signifika katak estudante ka bolseiru tenke iha eskluzividade katak bolseiru labele iha ensinu laborár.

“Ezemplu, bolseiru universitáriu labele sai funsionáriu depois mak hetan tan apoiu ne’e labele no labele iha akumulasaun ho bolsu estudu seluk,” nia dehan.

Nune’e, husu ba bolseiru atu pasiénsia hein tanba bainhira hotu sei anúnsia rezultadu no halo pagamentu.

“Maibé ha’u hanoin ita-nia alin, oan sira augenta hein tanba ita sei halo verifikasaun depois halo afiksasaun durante loron 30 iha munisípiu sira,” Manuel dehan.

Tuir despaixu diploma ministeriál númeru 1 hateten katak tinan ne’e Governu preeve miliaun $1,111 hodi bele atribui ba benefisiáriu ka ba vaga 1,300 ne’e. Hosi benefisiáriu 1,300 ne’e, ema 130 ba ensinu báziku primeiru siklu no 130 ba ensinu báziku segundu no terseiru siklu, depois 130 ensinu sekundáriu no 910 ba universitáriu rai-laran.

Kada munisípiu sei hetan vaga ka benefisiáriu hamutuk 100 no hosi númeru ne’e vaga 70 ba universitáriu no ensinu báziku no sekundáriu hetan de’it 10.

Tuir nia, bolsa estudu ne’e hahú iha tinan 2009 maibé la’ós ba kombatente nia oan de’it maibé uluk ne’e fó ba mártires sira-nia oan tanba bazea ba dekretu númeru 8/2009.

Maibé rejime atribuisaun ne’e ba mártires nia oan, depois iha primeira alterasaun dekretu-lei númeru 8/2009 ba dekretu-lei númeru 4/2020 ne’e fó dalan ona no la’ós ba mártires nia oan de’it, maibé ba kombatente ne’ebé mate de’it maibé ba kombatente ne’ebé mate no moris ne’ebé simu hela pensaun kada fulan bele asesu ba vaga ne’e.

“Entaun iha 2022 ne’e ita fó vaga 1,300 ne’ebé mak barak liu tinan sira antes, tanba bazea ba primeira alterasaun dekretu-lei númeru 4/2022 fó biban instituisaun atu ita hasa’e tan númeru vaga,” nia esplika.

Hosi tinan 2009 to’o tinan 2019, benefisiáriu hamutuk 2,277 kompotu hosi benefisiáriu ne’ebé eskola iha rai-li’ur 103 no seluk mesak hala’o sira-nia estudu iha universidade sira iha rai-laran de’it.

Ida-ne’e bazea ba dekretu-lei, Artigo 6.º Regime de exclusividade.

  1. O desempenho de funções a título de bolseiro é efectuado em regime de dedicação exclusiva, não sendo permitido o exercício de qualquer outra função ou actividade remu nerada, pública ou privada, salvo nos períodos correspon dentes ao das interrupções das actividades lectivas.
  2. Para os efeitos previstos no número anterior, consideram se períodos de interrupção das actividades lectivas os constantes do calendário escolar aprovado anualmente pelo Ministério da Educação.
  3. O bolseiro não pode beneficiar, no ano lectivo em causa, de qualquer outra bolsa , salvo no caso de acordo entre as respectivas entidades financiadoras.

Notísia Relevante: Tinan 2022: MAKLN atribui bolsa estudu ba veteranu nia oan 1.300

Jornalista : Osória Marques

Editór        : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here