Tinan 2022: MAKLN atribui bolsa estudu ba veteranu nia oan 1.300
DILI, 17 fevereiru 2022 (TATOLI)—Sekretáriu Estadu Asuntu Kombatente Libertasaun Nasionál (SEAKLN), Gil da Costa Monteiro ‘Oan Soru’, informa iha tinan 2022 ne’e Ministériu Asuntu Kombatente Libertasaun Nasionál (MAKLN) sei atribui bolsa estudu ba veteranu nia oan hamutuk 1.300.
“Ekipa téknika ba hamutuk ho Komisaun Konsellu Libertasaun Nasionál (CCLN) sei halo identifikasaun ba estudante sira iha munisípiu sira hotu atu tama iha atividade bolsa estudu nian,” Sekretáriu Estadu Asuntu Kombatente Libertasaun Nasionál (SEAKLN), Gil da Costa Monteiro ‘Oan Soru’, hateten ba Agência TATOLI iha nia knaar fatin Caicoli, Dili, sesta ne’e.
Tuir nia, ekipa ne’ebé sei tun ba halo identifkasaun ne’e aban sei tuir formasaun depois hotu mak foin dezloka ba munisípiu sira tanba identifikasaun no selesaun ne’e halo iha munisípiu.
“Ha’u seidauk bele hateten fulan ne’e tanba ita foin porsesu ka tama ba faze formasaun ba ekipa no sei realiza duni tanba prosesu ne’e uluk kedas la’o ona, ne’ebé bainhira ekipa tuir hotu ona formasaun mak tun halo identifikasaun. Tanba Bolsa estudu mak sai prioridade tanba tenke halo ona selesaun hodi bele prenxe tinan fiskál,” nia hateten.
Tuir lei ne’e, bolsa estudu ba veteranu nia oan sira ne’e sei asesu edukasaun hahú hosi ensinu báziku to’o ensinu superiór, maibé MAKLN sei halo limitasaun ba ensinu báziku tanba idade sei kiik, sei fó opurtunidade barak liu mak ba ensinu superiór, ba ensinu pre-sekundária no sekundária sei fó natoon de’it.
“Bolsu estudu ba tinan ne’e ita prefere liu ba hala’o estudu iha rai-laran ba rai-li’ur seidauk tanba moras barak mak la’o ba-mai, situasaun la’o la normál entaun labele kria konfuzu ba estudante sira,” nia hateten.
Primeira alterasaun dekretu lei nú 8/2009, 15 janeiru, kona-ba rejime atribuisaun bolsa estudu ba Kombatenete Libertasaun Nasionál nia oan.
Tanba ne’e Governu planu atu implementa sistema atribuisaun bolsa estudu ba mártir sira ho Kombatente Libertasaun Nasionál sira-nia oan, hodi abranje ka kobre nívél eskolaridade tomak, hahú hosi ensinu báziku to’o ensinu superiór.
Requerimento de candidatura à bolsa de estudo prevista no presente diploma deve ser acompanhado da seguinte documentação: Documento de identificação do candidato; b) Certidão de nascimento que ateste a relação de filiação entre o candidato e o Combatente da Libertação Nacional; c). Número de registo do Combatente da Libertação
Nacional, a que se refere o artigo 2.º; d). Declaração sob compromisso de honra, subscrita pelo candidato, de que exercerá as funções de bolseiro em regime de dedicação exclusiva e de que não beneficia, no ano lectivo em causa, de qualquer outra bolsa, nos termos do artigo 6.º do presente diploma; e) Documento comprovativo da matrícula escolar para o ano letivo em causa;
f) Documentos comprovativos do aproveitamento escolar do candidato no ano lectivo imediatamente anterior ao da candidatura, com discriminação dos resultados escolares e da média final; g). Dados da conta bancária do candidato ou do respectiva encarregado de educação.
Osan ne’ebé mak prevee ba programa bolsu estudu ba veteranu nia oan sira-ne’e hamutuk millaun $1,111.
Jornalista : Osória Marques
Editór : Cancio Ximenes
