Ministru Justisa, Tiago Amarál Sarmento simu iha audénsia ho Embaixadór foun Austrália nian Mai Timor-Leste William Costello. Imajen/Media MJ.

DILI, 30 maiu 2022 (TATOLI)—Governu Austrália iha kompromisu kontinua apoia Ministériu Justisa (MJ) atu dezenvolve sistema judisiáriu iha Timor-Leste.

Kompromisu ne’e hatoo hosi Embaixadór Austrália iha Timor-Leste, William Terrence Costello, bainhira hala’o audénsia ho Ministru Justisa,Tiago Sarmento Amarál, iha Gabinete MJ-Colmera, segunda ne’e.

Ministru Justisa, Tiago Amarál Sarmento simu iha audénsia ho Embaixadór foun Austrália nian Mai Timor-Leste William Costello. Imajen/espesial

“Ohin, Embaixadór Austrália halo enkontru ida ho ha’u no sira kompromete ho prontidaun hodi kontinua koopera ho Ministériu Justisa atu apoia área sira importante iha Sistema judisiáriu liuliu fó asisténsia tékniku iha kadástru,” Ministru Justisa hateten ba jornalista sira hafoin ramata enkontru ho Diplomata Australianu ne’e.

Notísia relevante:  Austrália iha kompromisu apoia millaun AU$7 ba Timor-Leste

Austrália nu’udar duadór importante ba Estadu desde Restaurasaun Independénsia Timor-Leste nian.

“Sira fó ona sira nian apoia barak iha área judisiáriu, tanba ne’e ita hakarak hametin koopersaun ne’ebé mak durante ne’e iha ona atu ba future bele metin liután,” Governante ne’e afirma.

Iha fatin hanesan, Embaixadór Austrália iha Timor-Leste, William Terrence Costello, hateten, enkontru dahuluk ho Ministru Justisa atu fó apoia asisténsia tékniku ba dezenvolvimentu sistema jurisiáriu iha Timor-Leste.

“Ami ko’alia kona-ba kestaun balun importante hanesan oinsá atu apoia Ministériu Justisa iha área administrasaun liuliu ba kestaun kadastrál nian no mós oinsá atu asesu ba bolsu da mãe jerasaun foun,” Diplomata ne’e subliña.

Notísia relevante: Austrália iha kompromisu kontinua apoia vasina ba Timor-Leste

Jornalista  : Natalino Costa

Editór        :  Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here