Konstrusaun Uma Kbiit Laek ba povu kbiit laek sira. Imajen/Mídia MAE.

DILI, 27 maiu 2022 (TATOLI)–Diretór Jerál Dezenvolvimentu Rurál Ministériu Administrsaun Estatál (MAE), Rosito Guterres, hateten Umak Kbiit Laek (UKL) 2021 ne’e falta uma sia mak seidauk konstrui tanba labele asesu ba dalan maibé UKL 10 ne’e halo hela konstrusaun.

Notísia Relevante: Konstrusaun UKL 2021 iha territóriu nasionál atinje ona 75%

“UKL tuan ne’ebé ita seidauk finaliza no entrega ne’e hela uma 19 maibé uma sia mak seidauk konstrui tanba dalan mak laiha. Entaun, ami uza fali osan balun para haree dalan uluk lai no uma 10 seluk hahú ona maibé sei la’o neineik,” “Rosito hateten ba Agência TATOLI, iha INAP, Comoro, Dili, sesta ne’e.

Uma Kbit Laek sia ne’ebe seidauk konstrui ne’e iha munisípiu Manatuto iha UKL rua (2) no hitu (7) seluk iha Baucau, Covalima no Lautém.

Hosi Uma Kbiit Laek 1.254, nia informan, totál komulativu progresu fíziku jeralmente ne’e tama ona ba 87%.

Governu prevee osan millaun $25 ba Programa Nasionál Dezenvolvimentu Suku (PNDS) hodi konstrui uma kbiit laek hamutuk 1.254.

UKL 2022 iha faze peskiza-verifiksaun dokumentu 

Entretantu, nia informaUma Kbiit Laek (UKL) hamutuk 4.000 territóriu nasionál ba tinan 2022 tama ona ba faze peskiza no verifikasaun ba dokumentu benefisiáriu iha terrenu.

“Ninia implementasaun tékniku tama ona ba estudu no halo verifikasaun dokumentu ba benefisiáriu Uma Kbiit Laek (UKL) 2022 nian iha territóriu naionál no balun tama ba reverifikasaun tanba disputa rai no iha balun ita simu reklamasaun. Maibé, ida-ne’e hotu, iha fulan agostu ita-nia ekipa hahú implementa,” Rosito Guterres hateten. 

Responsável ne’e hatutan, orsamentu ba kontrusaun UKL 2022 nian, transfere hotu ona konta bankária suku nian liuhosi fundu transferénsia públika nian.

Ba tinan 2022 ne’e, VIII Governu Konstitusionál aloka tan osan hamutuk millaun $71 hodi halo konstrusaun Uma Kbiit Laek (UKL) ba faze daruak nian no kada suku sei hetan uma 10 ezetu munisipiu Dili.

Jornalista : Osória Marques

Editór :Cancio Ximenes

Notísia Relevante: Konstrusaun UKL 2021 iha Aileu-Liquiça-Manufahi konklui ona

Jornalista : Osória Marques

Editór      : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here