Ekipa Jalagovi uza farda metan riska mean halo hela kontra atake hasoru Monumentu FC ne’ebé uza farda metan riska laranja. Imagen Tatoli/Sérgio da Cruz.

BOBONARO, 16 maiu 2022 (TATOLI) – Klubu Jalagovi hosi suku Karabau, postu administrativu Bobonaro, susesu manán ekipa Monumentu FC hosi postu administrativu Atabae, ho rezultadu mihis 4-3 iha jogu loron datoluk kompetisaun futeból sub-23 époka 2022 ne’ebé realiza iha kampu futeból, Maliana segunda ne’e.

Iha menutu dahuluk, ekipa rua lansa kedas kontra atake ba malu, Jalagovi jogu ho modelu bola aas no Monumentu jogu bola-rai ho modelu ofensivu, maibé Jalagovi fó uluk presaun ba Monumentu tamba sobu maka’as liu iha liña karuk ho intensaun atu prodús golu.

Notisia Relevante:Jogu sub-23, Focadioma derota kontra Maliana United 3-0

Hosi ambisaun ne’e, Jalagovi lansa sutu barak, nune’e iha menutu 13, Francisco de Jesus (19) susesu fura uluk rede Monumentu hodi muda rezultadu ba 1-0.

Ho golu ne’e halo treinadór Monumentu Joel Amaral halo mudansa estratéjia ba modelu jogu ho bola aas no haka’as jogadoir sira atu lansa sutu beibeik ba rede adversáriu. Maibé iha menutu 23 sorte di’ak konsege monu ba sira tanba defeza Jalagovi hamonu Demetrio (9) iha grande área no árbitru deside fó penalidade jogadór ne’e rasik konsege ezekuta oportunidade osan mean ne’e ho susesu hodi muda rezultadu ba 1-1.

Rezultadu ne’e hamoris liután vontade ekipa Monumentu hodi fó presaun beibeik ba rede adversáriu, maibé bola barak mak guarda rede salva. Maske nune’e Monumentu FC hasa’e tan nia ritmu jogu ikus mai iha minutu 32 avansadu Demetrio (9) lees tan golu ida hodi aumenta rezultadu ba 2-1 to’o termina primeira parte.

Tama ba segunda parte ekipa rua mai hosi rai dook ne’e, kontinua lansa kontra ataka ba malu, maibé Jalagovi espíritu forte liu tanba liu de’it menutu lima, Francisco de Jesus (19) fura tán golu ida hodi muda rezultadu ba 2-2 iha menutu 50, jogu kontinua la’o Jalagovi kotinua hamoris jogu iha menutu 54 Eusebio (17) fura tán golu ida hodi muda rezultadu ba 3-2.

Ho rezulatdu ne’e halo adeptu sira haklalak maka’as liután hodi fó apoia ba ekipa Jalagovi ikus maia asaun sira-ne’e ekipa sira konsege konsidera tanba avansadu Fransisco de Jesus (19) suusesu fura tán golu iha minutu 76 hodi muda rezultadu 4-2.

Haree ba rezultadu kontente ne’e, treinadór Monumentu FC  Joel  Amaral, muda fali estratéjia sobu fali jogu joga bola lalais ho modelu ofensivu nune’e ekipa sira bele lansa ameasa barak ba rede aversáriu. Ambisaun treinadór ne’e konsege hamoris ekipa sira-nia espíritu hodi fó presaun maka’as iha liña oin. Ikus mai iha menutu 80 avansadu Demetrio (9) lees tán golu  ida  hodi hetan titulu ‘Hadtrick ‘no muda rezultadu ba 4-3.

Minutu ikus Monumentu FC aumenta tan sira nia esforsu hakarak halo jogu sai impata,maibe esforsu sira ne’e la kosnege atinje nia alvu tamba defeza metin liu,nune’e rezultadu ne’e mantein to’o termina jogu,vitoria ba Jalagovi no Monumentu tenke simu realidade derota.

Treinadór Monumentu FC Joel Amaral, haree rezultadu ne’e la sente triste tanba normalmente iha kompetisaun tenke iha lakon no manán.

“Ami sei la patah semangat, maibé ba oin jogu tuir mai hasoru Madiran iha 23 agora, ha’u sei haka’as sira atubele joga di’ak, ha’u optimista sei manán jogu tuir mai, tanba ha’u-nia jogadór na’in-rua sei tuir ezame, sira na’in-rua mai tán bele konkista vitória,” nia garante.

Notisia Relevante: Abertura jogu sub-23 iha Maliana, Ex Kodim manán FC Cruz 2-1

Jornalista   : Sérgio da Cruz

Editór         : Evaristo Soares Martins

PUBLISIDADE HUSI MTCIiklan

2 KOMENTÁRIU

  1. Hau Rasik Apresia Ba Jogador Demetrio (9) Nia esforsu maske Hasoru desafiu Iha Jogu Nia Laran Maibe Nafatin esforsu an Hodi Hetan Resultadu Nebe Mak Diak

HAKEREK NO HATÁN

Please enter your comment!
Please enter your name here