Ekipa saneamentu rekolla hela lixu iha Kapitál Dili. Imajen Tatoli/Antonio Gonçalves.

DILI, 11 maiu 2022 (TATOLI)–Ministru Administrasaun Estatál (MAE), Miguel Pereira de Carvalho, orienta ona Prezidente Autoridade Munisípiu (PAM) Dili atu aumenta tan kamioneta 20 hodi reforsa tan kamioneta 49 ne’ebé antes ne’e rekolla lixu iha kapitál Dili hodi soe iha lixeira Tibar.

Notísia Relevante: Fevereiru, SMD entrega kamioneta 49 ba kompañia lima atu rekolla lixu

“Ha’u foin fó instrusaun ona ba PAM Dili atu aumenta tan komioneta 20 hodi reforsa tan kamioneta seluk ne’ebé mak baibain rekolla lixu iha kapitál Dili. Hahú ohin loron no to’o fulan tuir mai hodi garante dalan públika iha sidade laran moos no saudável,” Miguel Pereira de Carvalho hateten ba jornalista sira, hafoin partisipa diskusaun proposta Orsamentu retifikativu (OR), iha Parlamentu Nasionál, Dili, kuarta ne’e.

Tanba, nia dehan, iha serimónia komemorasaun restaursaun independénsia ba dala-XX (20 maiu 2002-20 maiu 2022) ne’e, bainka espesiál hosi estrajeiru mós partisipa nune’e presiza aumenta kamioneta hodi reforsa no garante sidade Dili sai sidade ne’ebé moos no furak.

Governante ne’e hatutan, kamioneta ne’e maihosi empreza lima (5) ne’ebé mak durante ne’e hala’o atividade rekolla lixu iha kapitál Dili.

Kona-ba jestaun lixu, nia hateten, hateten foin daudaun Parlamentu Nasionál aprova ona osan millaun $2,3 maibé atu responde ba ida-ne’e, iha loron hirak tuir mai ne’e ministériu fó ona instrusaun ba Prezidente Autoridade Munisípiu (PAM) Dili atu orienta hodi tula lixu iha sidade Dili kada loron tuir oráriu,’ nia dehan.

Notísia Relevante: Governu kontinua kontrata kompañia lima transporta lixu ba Tibar

Jornalista : Osória Marques

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here